Juggy Bone - HMEICHHE NAUPANG!!! By Isaac Zote

THUHMA : Hi Post hi a tak tak a thil tlung niin an hril a...A Post tupa Juggy Bone ngei khawm hi hi taka Nuhmei te hin a chawkbuoi sawt leiin nasa takin a mental state khomin harsatna a tuok a...Tri na thlarau (Spirit of Fear) in a man hiel a, iengtik lai khawmin um pui ngai zing damin le iengkhawm a thaw tha thei lo damin a um a.. Camp/ Centre a hai chen dam lutin an buoipui hiel thu a ruol haiin an hung hril anih..

 Courtesy : Juggy Bone, Paranormal Group 

HMEICHHE NAUPANG!!!
Mizo Ghostbusters Adventure #2: 

Hei hi pawl ang deuha kan indin hnua zan riaka kan chhuah tam ber tum ani a, mi 9 kan ni a, kan thilton hi a hnu lehxela kan fiah naah poh keimah phei cuan a aia ciag hmuh k neilo! He thil kan hriatna ber chu ka Nu thiannu bazara a thutpuiin a hrang tih min hrilh ataga hria kan nia. Chutiang ngaihven reng2 kn nih avag cuan cu thu cuan kn beng a verh a, kal ngei tumin kn rilru kn siam nghal a,.kan han kal ta chu a lo hrang ngiang mai!! 

 Ka Nu thutpuinu chu Khawthlang lam khaw 1 (Hming/Hmun vel hi thup a ngai tlat! Lo hrethiam mai dn nia-JB) khaw lian ve pangngai taka awm a ni a. He In hran chhan an sawiber chu he naupang khawngaihthlak tak mai hi a Pa (pahrawn) in hun rei tak chhung mipat hmeichhiatna ang zawngin a alo khawih thin a, chaw a ei theiloa, a mu tlem nen a rilru hah nen a cher tawlh2 a, a boral phah ta nge2 ni awm tak ani. A boral zan atang hlawtin thawm a nei nghal a, an inriak tlangval tepawh a tukah an inpuchhuak vek niin a sawi.

        Chutiang chu kan hriat phur zawng tak mai alo ni si. Exam chawlh velah kan thianpa te gypsy nen, 2 wheeler pahnih nen khawthlang lam chu kan pan ta vut2 mai a.. Hmelhriat hrim2 tepawh kan neih nual avangin riahna lam chu kan huphurh lemlo.. Tichuan tlai zanriah chhum hun awm velah chu khua chu kan thleng a, kan intifai a, zin chauh nen chumi zan chu mahni thlen inah kan mu tui hlawm hle a..Lal Sawma hi kei ang bawka tui anih avangin ka bulah hian a awm deuh chot a,chumi zan pawh chuan ka bulah mu in, mumang mak deuh mai a man thu zingah chuan a sawi vek a.heipwh hi mumang ah cuan a ngaihnom pol tak tur niin ka hria.

Tichuan tukthruan eikham hnu ah cuan kan thleninah chuan an rawn pungkhoma.. Ticuan khuaa a hre awm deuh te kan zotciaga,kn kal kual a, zana riahluh turin kn inbuatsaih nghal ani! An VC cuan a In chahbi poh chu alo kol leh daih toh a, ticuan a hmunhma vel kn va en dn a..zantirah inputluh kan tum deuh ani.. Ticuan zanriah eikham ah cuan chu In lam chu kan pan ho ta thra2 a... A in hi kawngpui an ah midang aia fal deuhah a awm a, a In a lian vaklo a.. Ticuan kn thleng ta a.

       Kan thlen hian kwgkawi deuh atangin verandah a naupang ding lai hi hmu tlat in ka inhria a, k mit k nuaia k mitvai ani si lo.. October thla eng hnuaiah chuan k thilhmuh chu a chiang khop mai! Hmeichhe naupang ani tih ka hria a, kawr var lam a ha a, mhse kn awmna hi ala hlat deuh avang chuan a hmel chu k hmutheilo..k thiante k hrilh nghal a, 4 kh cuan an hmu ve ngei tih a prove theih ang.

Tichuan kn thlen fela mutbu kn siam xoh cuan zan dar 7 vel ni ta in k hria, card denga kn rik laih2 lai hian pawn lam tukverhah hian hmel k va hmu tlt mai!!!k au deuh thrawt a..a hmel kh a däng vek a..k hmu ciang ropui si..k kwk reng rigwt!

      A in hi kogthlaga sak ani a, he hmel k hmuhna tukverh hi thlaglam awih deuh lama om anh avagin khoia pa thing thiam poh hian an lon theihna tur anilo hrim2.Hmeichhe naupang, kum 10 vel ani ang,k thiante chuan an hmu a, anni poh chu an tre deuh thot hlom a.a lang rei angreng hle a.mizo hmeice naupang hmel paggai tak niin k hmu a.,mitkhap miahlo hian a rn en kal mai a. Lal Sawma inla huai chuan a chapal hian a va vom pop mai a, a reh nghal hmak!

     Ka tho a, kn va pheia, kogka kalh tha nge thalo tepoh kn va test a Steve a nen.In lian lemlo ani a, choka lam leh bedroom lam inpindanna poh hi puanxar thin ni ngei tur ani a. Hmeithai zu zuar thin In tih takah a hnawk neih nuaih mai a. Bedroom lam chu kan tihfai chauh avangin sitting room-cum-choka lam chu a hnawk nuai a..kn let leh tur chiah hi chulai hnok xingah cuan naupang inkhuallemna chi hrag2 hi a om darh nuaia, chuta hmeichhe nautelem pakhat chu a rn kang nolh a, leiah a tla leh nghal a!!! Steve a chu k hmaa kal anh avagin mn hliah deuh xoka, a pet per emo k ti hman xoka, mhse a au ri ah khn a pet lo tih a hriat ngoih2..a khur nghal ngwt2 mai!

       Ka va dom nghal a, Steve chuan Hmeichhe naupang'' a rn ti buh nuaih a, kn enkual a, egmah k hmu si lo. Chutah inchug rangva chu a ri ta dot2 mai!!! Lung vom ri anilo tih cu mi paggai cuan an hrethm nghal vek sela. Sherlock Holmes a te cu om se 'Naupag kum 9/10 vel, kor var lam ha, a ke veilam tlema soi deuhhlek inchungah cuan a tlankual mek anh cu' a tih k ring!!:D..inchung chu kn en thap.a tlanna hnu cu a khuar phei pop2 a.

A tlanchak phian lehnghal!!han tih vak ngaihna cu a vang angreng phian a, mhse naupag harh tlan satliah anilo tih kn hriatna khn thauah mn man a, hrehom tak ani. Engmah ti thei silo, cutah a ri cu a la rag tolh2 xui lenghal.. Ticuan voi lekhatah a reh leh ta duk mai.. Ngaihthat thlakloh khopin a reh vog2 a, rannug hram takngial poh a omlo top mai.. A reh rei tak deuh hnu cuan kn ngaih a tha tlang anyag,kn ha bui2 hlom a..

    (Mistype va tam duh ve mole,lo hrethm mai teh u'n,a rei hlau boksi nen!-JB) hetih lai vel hi zan dar 9 vel ani. Kn mutcuak tak deuh vag cuan mut zai rel mai kh k duh a,midag ho cu k'n ron a, anni poh an mutcuak ve tawh anyag tumah han hnialbuai deuh an omlo cu anh hi!! Zung turin ponlamah kal an rot vag cuan peihlo deuin kn va tho leh a.pon chu a lo vot vuk mai. Inchug chu kn han en vel a, rn cuak leh thut poh nise khoia naupag nge anh tih ngailoin kh naupag ngei kh anh k ring ltk e kan ti ang.. Cutia inchug ka en lai tak cuan naupag thu chu k han hmu leh ta thut mai!!!!alo thu a,uluk deu hian mn lo en kiau a, thla engah cuan a lang chiang ltk!!!

       In twn ve hunah hlauwm leh hlauwmloh chu in hre ve mai ang..hheheh. 'KHI' k ti vak rigot a.thiante ho poh cuan an lo hmu ngei bok a.kalson poh a tum chuaglo. Chutah huaisenna nen k va pan phei a. 'Mami lo cuk rh' ka ti a,egtinmah a daglam eih lo.k kohna cu hre awm pohin a laglo. Chutia k en reg lai chuan a bo lehta riai2 mai a..mit ngeia hmuh cuan effect a nilo tih a ciag mai ... Tichuan inchhung chu kn lut a, thla a en chuan lugleg lam tan nuam deuh anlo tih thrn cua a danga hman tur..tih te k ngaihtuah lui tlat a .

         Sawizawm ang aw? Khatia inchunga ka hmuh kha ka mitvai anih lohzia ka chianga, tlem ka in vanga hmu chianglo ka nilo.ka hmu chianga, ka mitthlaah poh ala cham reng mai. Amah kha naupang hmelthaa sawi tur anilo.mahse a hnar ngul kha chu a vai hnarngul hle ani. Chuti khopa chianga ka hmuh avang chuan inchhunga kan lut poh chu ka mitthlaah hian a cham reng mai a.

        Kha naupang dinhmun kha ka ngaihtuah chuan ka khongaih reuh hle. Thiante ho eroh chu an hlauh vangin zoite tein an titi sep2 hlom a. Sawma chuan tui intur suak turin Zautea a tira,mahni chuan ka ngamlo a ti a, midang an koh kual poh chuan an ngamlo vek a, Valtea chuan ka va suak ang tih leh thawh a rual a, a pheia, choka light a on chiah chu chhuar sir kilah chuan naupangte lo ding reng chu ka va hmu phut, Valtea poh chuan a hmu ve nghal aniang a ding chot a, a tre throt mai a!!!

       Naupang chu kan hmuh lai hian a che ngai manglo..a ding renga, a melh ngai hi a melh a, a che ngailo. Hemi tum poh hian kan lam a ron hoi a, che miahloin chiang deuhin a ron hoi reng ringot. Hetih hun hi dar 10 a pel hret toh a.zan a reh boka kan thom chu a ring duh khop mai.Chutia a rn lan chian lai chu hun engchen nge kal ka hrelo.rin aiin a hmel dang lep te, a mitmeng chiang kalh mai te chuan thauah a man tlat a, inlak pa theiloh.. Chutia a lanchian lai chuan kan ri deuh nuai2 a, a then kan au deuh a,a then kan rak ani ber mai. Mahse a reh leh riai2 a, reilote ah chuan a bo leh ta hmak mai a.chu chuan a ti hlauhom nep chuanglo!

Thiante u,in zahawm hle mai. Naktuk zan (Sat) ah ka rawn chhunzawm ange. Tawnthar nen inpawlh nuaih a ngai dawn tlat thung! In hriatthiamna ka ngen takmeuh ani e.

        Chhunzawm nghal mawlh2 mai ang:

        Amah khan engtinmah min tihthraih poh a ni chuanglo.min en dan kha a rapawm reuh em ani. Tichuan Valtea ding khur zawih2 poh chu a rn let phei leh ringot bok a. Kan soijo a, a thenin riahloh mai an rot a.mhse Sawma inlak pa duh ta reng2 chuan 'mn tihthraih cuaglo ho ltk.a peih chen2 ron lag roh se' an ti pang2 a.mhse amah ngei poh chu nor deu ila chu haw cu a hreh miahlo ag le.

        Dar 11 a rik meuh cuan a reh ruih mai a,kan mutchhuak a reh tlang deuh nen light on hnuaiah chuan kan titi sap2 a, min tihthraih chuanglo nangin a rapawm duh reuh em ani. Chutih lai chuan thli a rn thaw vuk2 a, kawngka chu kan lo kalh tha chiahlo aniang a rawn invaw hawng dawt mai a, kan phu nasa hlawm hle mai. Mahse chutia na deuha a rawn thaw chu thawklehkhatah a reh leh ta duk a. Khaw awmdan chuan awm a tinuamlo hle mai..

        Chutia kawngka inhawng huau a awm chu nih chialoh vangin Sawma chu kalh turin a phei nghal a. A hawi kual deuh zuk2 chuan a insawi ang ngawt chuan a hlaulo em2 biklo tih a hriat a. Mahse engmah awm lemloin a va kalh fel ve mai... A rawn let lam chuan 'Engmah anilo, thli chhem hawn anih kha..'a ti zo chiah chu a ding chawt a, ring tawkin 'Khaaaaa' tih pahin kan hnuglam bang chu a kawk ta thut mai a!! Kan phu dual a, kan hnung lawkah chuan alo ding leh reng tawh!!!!

Sawma kan lo en thrap vangin tuman kan lo en lo ani! Sawma lamah chuan kan tlanphei nghal..ka thlahrang hmuh hnaih ber ala niang!ka hnung chiahah a ding si a! Ka hmuh chian em2 chu Barbie duplicate ang chi a lu bung tawh hi a keng a, a hmel chu lungngaih hmel deuhin a awm.. Mihring pangngai anilo tih a hriatna ber chu amah chu a lang tlang thei tlat chu ani!!a hnung lam bang chu amah entlangin a hmuh theih! Engtia maha min tih tum hmel a pu lo a, fiah deuhin, mit khap miahloin min en kal ringawt a..

       A hmel lungai hmel ka tih kher nachan chu ka ngaihtuah let hian a hmel pawh kha niin ka hre ta lo, keimahni khan kan chhungrilah a lungngai ani tih kan hria ani ber. Chu2 a hnua kan sawiho leh dan ani. Sawma chuan a camera duhtak chuan lak tumin a sira a bag khai chu a va ban a, zawimuangin a lachhuak a, midang ho chu kan inkuah khawm deuh thrap ani ta berin ka hria. Hlauh tak2 hi chuan kan awmdan hi a chianglo ruai zel! Engtiang takin nge kan awm chu ka hreloa, Sawma chu kan en thrap ringawt. Naupang chu a ding reng a, a melh chu melh let ngam a har kher mai.. Chhuana te ho, a naupang deuh ho chu an trap deuh pur hi ani ta berin ka hria.

        Sawma chuan a camera chu muangchangin a phawrh chhuak a, On a tum chuan a thei ta tlat lo! A hma lawkah khan kan hmet kual vel kha ani si a.amak ltk, a On theih miahloh a rn ti chhuak hlawl a. Chutah chuan naupang chuan thawm a rawn nei..khuh deuh khek2 ang hi ani berin ka hria. Trawng a tum a ang ka ti a, Sawma pawh chuan ka rilru ang chu a pu ve aniag ''Enge Mami??'' an ti ngawt a, mahse engmah chu sawi talo chuan a reh leh ta riai2 mai..

        Chutia a reh leh mai thrin avang chuan tih vak ngaihna kan hrelo a. Thlalakna khatih hunlaia thra ve ber kan neih phak ang tawkah chuan Digital camera rawn chhuah tirh kha a ni a, operation vel la thiam vak bawklo nen tihvak ngaihna awmlo. A battery erawh a full deuhthaw ani stih erawh chu ka chiang khawp mai. A reh fel ah chuan Lalchhuana leh Valtea te chuan tihtakzet in haw an rawt ta a. Kan han inhnial nak2 a, Sawma chu a trang na angreng khawp mai. Dawihzep lutuk tih zawngin a trang a, mahse Valtea chuan a hmaa a sawi miahloh a rawn sawi ta a..

       Sawizawm ang... Chutia Valtean a sawi lai chuan Sawma camera chu a on leh theih vek tawh a, a han lak vel chhin pawhin engmah buai a awm leh tlat si lo. Chu chuan awm a tinuamlo zual a, Valtea thusawi chu kan ngaithla thrap a, ''Nichina kan mut lailawk lai khan ka beng bulah hian tawng ri ka hria a, Chhuana hi emaw ka tia, engmaw ka va tia, ani lah chuan engmah a sawi ka hre silo..chutah kan ngaithla chiang deuha hla deuh atanga rawn au lawm2 ang hian ka hria a, Patling aw hian 'haw ru..haw ru..a that vek ang che u' a rn ti trawk2 a..''tiin a sawi ta mai a!

       In awihloh leh in thu le:

        Chutia a sawi takah chuan awm a nuam ta hauh lo mai. Amah lah chuan in awm luih dawn pawn keichu ka riak dawnlo a ti bur tawh mai si. A naupang deuh ho pawh chuan chulam chu an support viau mai. Kan han sawikhawm nak2 a, sana kan en chuan dar 1 alo ri der tawh mai a. Chutiang huna thlenin te han koh harh leh chu inthlahrunawm dawn hian kan hre khawp mai a. Mahse riah duhlo bur an awm takah chuan chhuahsan mai chu tha in kan hre tlang ta a.kan han sawiho ngial hnuin Community Hall kha a inkalh ngai chuanglo an tih avangin chulam pan mai chu kan rawt ta a..

        Tichuan dar 1 pelh ah chuan kan bedding te chu kan tel a, kan chhuak ta a. Chutia kan chhuak In kan kalh chiah tih ah chuan inchhungah chuan thil ri dawt dawt hi kan hria a! Chutah chuan alawm thawm rapawm ka tih ber pawl chu ka hriat tak.. Hmeichhe naupang ngeiawm taka nui ri awr2 chu hman zana he thu chhunzawm ka tum lai hian kaN garage ah a rawn ri leh mawle!! Pawna cigg k juk lai ania, ka lut rang khawp mai!!

        Khati zawng kha ni mai teh se. In ngaihdan kha ka tawmpui tho mai che u..thil awihawmloh leh maksak tak2 hi Zoramah alo awm ve ani tih a taka hmu tu leh hretu ka ni a, ka thusawi te hi dawt anih lohzia chu ka thiante hian an rawn attest thei ang in duh chuan. Mahse video/still photo evidence erawh chu awih ti har tu tur ani dawn anih hi. Skul hrangah kha chuan kan keng thra ve viaua, mahse a hman ngaih hun takah hian a hman theih tlatloh thin hi chu a mak khawp mai. A tawng ngei tan lo chuan a awihawm kherloh maithei..mahse a tak tlat zel..

 Ole. He thil k post tirh atag khn k omdan a diklo deu sa hrim2 a. A tir ataga chhiar cuan in hryt k rig.kthil type te kh a pelh nuaih a, a chag leh k reh rei vag2 a. Kha khn chhan a nei a, cu2 k rn soi dn ani.k dikloh leh vaih cuan k soizom duh toh khrlo maithei!a nuam miahlo! He thil k post kha kar hmasa Tues zan ani ta in k hria. Khami k type lai khan ka phone hi zandang anglo takin a ron thi leh thut thin a. Hetiang hian a om ngailoh vangin mak chu ka ti ve deuh a, a battery ka thlak pohin chutiang chuan a awm reng mai a. A hnuah phei chuan k login thei ta lo hrim2 a.mhse mak tih ltk tur a awmin k hre chiahlo a. Khawl thil anh avagin hetiang hi chu om ve turah ka ngai mai a.

        Chutia k luh theih takloh ah chuan k nu hi asthma a neih avagin pawnah ciggarette k va zu a, chutih lai chuan thlahrang k hmuh laia ka awmdan thin (hei hi k soi thiam chiahlo.k mûr deuh seng2 a, mn thram deuh tlat ang hi ni deuh ber) ang hian ka awm tlat mai a. K ngaih a tha lemlo, mhse kn hoi kual vel pohin egmah k hmu cuag lemlo..

       Ka cigg zuk pah cuan earphone nen hla ka ngaithlaa, zan a rei toh avagin a reh ruih mai a. Chutih lai cuan kan thenomte ui hi a ron û ta vak2 mai a. Awm a ti nuam lemlo hle mai.mahse k omdan atang chuan engemaw k tawng don tlata hriatna k nei a, inchhugah cuan k lut duh mai lo.

        Chutia k om lai chuan ui û chu a reh hmak mai a (He ui hi a tukah thiin an chhar nghe2..a chhan awm chu k hriaa k hrilh ngamlo..he3) k earphone lehlam chu kn dahthla a, a neituten an hau anh ringin k va bih phei deuha,.mhse thom dang a om zui lemloa, an In poh chu pawn light tihloh chu a thim thriap mai si. Chutah k piah deuh thim laiah chuan thil ri dawp hi k hria a,a ri kha sang deuh atanga thil rit deuh tla ri hi ang ka ti ber. Hlau rilru deuh chung chuan k va kalphei a, a rikna lam chu ka va en a, engmah k hmulo..

        Ka let phei leh tur chiah chu kn garage chhungah chuan thom k hre ta a. K va en chua engmah a awm silo. Kawngka chu k khar tha nghal a,k kalh fel k kaltur chiah chu kha naupang nui thom ngei mai kha a ron ri ta awr2 mai a!!!k tha a khur nghal vek.a rapawm zia hi soifiah thiam ka chak.tunah te hian ka bengah a la cham reng mai.

        Chutia garage kawta k din khurh lai chuan k thutna bulah chuan thawm awm hian k hria a, k va hoi phei chuan hmeichhe naupang ngei kha alo ding ka va hmu ta! A hmel/ a kawr hak/ engmah daglam ala awmlo.ka lam chu a ron hoi a, che miahlo in min ron en kar mai kn hmu chu k chhugril hi hlauhna in a ron tuam nghal mup2 hi ni berin k hria. Au chhuah k tuma k thei miahlo!!k nghawngah hian mn rek tu hi om ang tlatin k hria.chet poh k che lo, garage korah chuan k ding khur xoih2 ani ber mai!

         Chutah chuan eng chen nge k din k hrelo.a hnua k ngaituah leh hian darkar chanve don lai chu k lo ding anh k ring. A ral leh nghal mai a,chutah chuan k nu asthma chu alo chhuak leh a, k U chuan light a ron On ta a, k room a mn rn koh a tum chu k lo omloh avangin ron chhuak cuan pona k lo ding chu mn rn au a, k va luh chuan k nu chu a thaw hleitheiloa a awm alo sep dorh2 a, zinglam a nih deuh toh vangin Civil Hospital casualty lamah kan inphur phei ta ringot mai a. Damdoiin kn thlen hnu chuan k thilhmuh kh ngaituah let na hun k nei leh chauh a.

        Tichuan k nu chu anlo admit tak vangin engmah dang k ngaituah leh hman tohlo ani ber.k u in dor a nghah a ngai boksi.k nu bulah cuan k om chot a, Thurs khn a pangngai ta deuh a. Chuta a ron harh chian hnuah chuan tihian a soi ta a.

        ‎'Boiha, khami zan khn k mumang poh niin k hrelo, k thlarau hi a cuak ni berin k hria. Pona i cuak tur lai kh k hmu che a, i hnugah hian hmeichhe naupang pakhat hian a zui reng che a, i hmu silo a, ron auh che ka tuma, ka au thei silo che a.chutih lai ak cuan k hrokah hian ron rek tu om ang hian k om a,k au thei tlatlo.chuatah k harh a, k thaw alo hah ltk k thi teuh em2 tih k hre hial ani. Chumi chin chu k hriat chu ani.'ati ta mai! Den duh rem2 tak ani.

        Tichuan chumi thu chu k rilruah a om reng a, k nu poh chu a that chhoh tak zel avangin ka nu poh cholhni damdoiina hman a duhloh vangin kn chhuak ta a. Sunday khan soixom leh tumin ka ron insoi ta a.khmi zan poh khn thil a thleng leh ta tho mai. Zanin hi chuan hei ka thianpa nen kan om a.,a thleng leh nih pon hlauhom nep deuh toh ang chu!

        Ok.hemi zan hi chu keichuan k mumangah k lo hmu vak2 tih loh chu engmah a thleng lemloa. Hemi kan ton zana kan thianpa (tuna ka bula om mek hi) lamah alo va che ve leh ani om a, ama soi angin soi leh mai ang o? He hmeichhe naupang hi a hrang rei peih riau mai. A thlalak kan tum a, hei Nikon camera nen kan inchhop reng ania zanina a ron chet leh takin.he3

         K thianpa te In hi mi inhnuai ani a, an unaua In luah an ni a, hman zana a thilton chugchag soi turin a ron riak a, he hmeichhe naupag hian keini ho hi min la kiansanlo ani tih tichiag tu 1 ani lehta anh hi.midag ho poh hian anlo tong lehlo ang tih a soi theiloh. Khai o, Nizan maia a thilton hi han ngaithla ve teh u?

        Tah hian soixom mai ang. A buaithlak tlat. Ama sawi angin o?
        Thlahrang lam hi k rilruah lut hman toh lemlo khop mai a. Zirlai nih bok nen NET exam om leh hmasa ber ami tur inbuatsaih lai khera he thil k tong thra leh hi min tibahlah leh ang tih poh k hlau hlel lo e. He naupang hi a hmaa ka lo hmuh toh hnu mah nise hmuh toh vanga nel chi ani tlat lo. A hmel hi mitthlaah a cham veng2 mai ani.

        Sunday zan ani a, k lehkhazir chu k rilruah a lut theilo khopa, phone atangin k online a, Juggy thilsoi vel hi k chhiar mai2 a, hemi kan ton laia k hlauhzia kha k rilruah alo lagcuak leh. K thlahrag hmuh toh ah cuan k la räp ber hial om e. A hmel te khan mi hi a tihthraih hrim2 lam ai mah cuan a rapawm ve hrim2 ani ber mai. Kum alo liam ve nual toh a he naupang kan buaipui na kha, tunah poh kn la buaipui ta zel anih hlom hi mo....

COMMENTS TIENG PANG A SUNZAWMNA (Kei ngei khawmin ka comment a, thurawn ka pek ve hehe) :

Ma Reen JB Khawlhring : Valtea hi a camera chhia, tuna kan sawi mek chhunzawmna tur chiah tawngtu ani a, hei alo tlangval ve ta niang MA pawh anlo zo ve dawn ta reng mai. An inluah chungchang kha kan sawi tawh a. Thianpa Sawma a rawn zin leh phah vang ania nimina ka sawizawm loh chhan chu. Ama tel ngei hian sawi ila alo lang leh ta anih pawhin ani hian a ngam deuh ber hrim2 a. Hmuh leh a chak ropui mai sia.. A awihlo in awm tih ka sawi phei chuan a sa phat mai..a awihlo ho hnenah chuan hrang se ka va ti te a ti chher2 tawh mai hei...keichuan hmu ve lo ula pawi ka ti lo e. A hlauhawm em2 chu anilo, mahse a hmel kha mitthlaa cham veng2 chi ang hi ania, tunah pawh hian alo lan leh nghakin kan sawizawm ani ta zawk mah anih hi. Kan 3 bak chu han in truk khawm tur alawi pawh kan awm ta lo anih ber hi. Valtea tawn hi kan sawizawm anga, alo lang leh anih pawn sawizawm miah2 tawh mai ang!

Ma Reen JB Khawlhring :  A sawi tawpna atang khian chhunzawm mai ang aw: Chutia ka ciar lai chuan amah hian mn rn text a, a luh theih twhloh thu leh lo soi mai tura mn duh thu a rawn sawi a,kei chuan zan a rei toh emai mut ka tum toh k ti a,mhse a soixom theihloh thu hrilh k duh avangin grp ah hian request ka tum a, a theih tlat loh a. Connection error a inti zel a, mahse thildang xogah cuan a lut thei tho si! Tlem chuan mak ka ti ve deuh a. Chutih lai ka buai vel chhung chuan dar 2 alo ri dawn reng tawh a. Sana kan en chuan alo tlai tawhzia ka hre ve chauh a. Ka nau lah chu mutui tih hriat tak hian a hnar bawrh2 mai a,kan In hi kawngpui dunga awm anih avangin zanreiah hian motor tlan thawm a awm reng avangin zanreh tak2 a awm ngai meuhlo tih theih ani a, mahse hemi zan berkher hi chu a reh hian a reh vawng2 mai a, a vawh em avang chuan heater ka ai a,mahni chauha dar 2 vela men chu a nuam lemlo..
December 18, 2011 at 11:03pm via mobile · Like · 1

Ma Reen JB Khawlhring : Chutia ka luh theih siloh vang chuan k va text leh a, ani pawh chuan a phone a dikloh thu a rawn sawi a. Zinglam dar 2 pelh ah man leh man kan in text ta nual a!he2. Chutia kan in text lai chuan kan kawngka hi rawn kik an awm ta tlat mai. Hla ka ngaihthlak pah avang chuan ka hre mai lo a, an ron chum tak dot2 ah chuan kwgka hawg tur chuan ka va tho phei a,mhse k hawn cuan tumah anlo awmlo!! Mak ka ti deuha,kn enkual pohin tumah k hmulo.. Chutih lai tak chuan ka beng bulah hian a ron thaw fua a, rang takin k hoi xok a!
December 18, 2011 at 11:12pm via mobile · Like · 1

  • Isaac Tlangte ZoTe : Juggy Bone i thil tawn chu a hlauhawm hmel khop mai a...Keichu ka ngaih ve dan chuan thlahrang kan tih te hi ramhuai, mihring hmel hawh a rawn inlar annih ka ring a..tuna i thil tawn poh chu chu hmeichhe naupang te thlarau ngei chu ani chiah ang em tih chu hriat a har ka ti khop mai..In hrang in chhuak san chiah a a ron nui vak2 i tih leh chu khua i chhuahsan hnu ah poh a rawn um zui leh zel che u thu leh au chhuak thei lova nang leh i nu in awm chungchang te i sawi atang phei khan chuan mihring thlarau satliah mai2 anih ka ring ta hauh lo mai kei chu..Demonology chungchang zir mi christian thenkhat te chuan hetiang ramhuai hian mi zui lakloh te hi a nei thin tih te in an sawi thin a...Chu In hrang a in zu kal tak ah chuan nangmahni nen a in attach lakloh te poh a ang ka ti khop mai..Fimkhur takin hma la ula ka duhsak takzet che u..Pathian thu in tlawhchhan vat a tha in ka hria a la hluar zel anih chuan..Chutiang chu a thleng ngei ang ka tihna nilovin i hma ka ngaih avang leh a reh mai si loh avangin thurawn ka pe ve mai2 che anih chu aw..ngaihloh lamah lo ngai lo hram la...
    December 18, 2011 at 11:43pm · Like ·  4

Robe Khiangte : keipoh ka chhiar toh khoiah emoni. mihring thlarau kan tih thin hi ramhuai mi immitat ching ho an nia(a vai chuan an nih kher leh kher loh chu ka hrelo a). chhungte bulah te thiante bulah te an inlar ta thin a mihring thla ang khan tih velin a inziak a. ramhuai chi hrang2 a awm tih chu kan hre theuh om e, chi khat mai anih hmel. Khatia in tih luih reng khan in chhaihkawlh palh ang tih ka hlauhpui khop mai bok che u. Keini aiin thil an tithei daih tih hriat tur, ringtu dik tak tan erawh chuan hlauh tur engmah a omlo. Kan 'Rin-A' hi an hlau em2 a, A mi te engtinmah mn ti ngam lo tih hre thar leh teh u.
December 19, 2011 at 2:48am via mobile · Like · 2

Isaac Tlangte ZoTe :  Ramhuai chi khat..familiar spirits an tih te ho poh hi a ang ka ti ta riau mai..Heng ho hi Ram,hmun,in leh lo etc ah te in attach thin anni a..Tuna in hrang kan tih ah poh hian sualna nasa tak thleng (a pahrawn in sexually a abuse thin )avangin an awm tawh loh hnu ah poh an chen chilh a ang ka ti khop mai..Sualna emaw,tualthahna emaw sarthi etc te a thlen hian Ramhuai ho hian chu mi hmun chu portal angin an hmang remchang thin an ti ani..A chhan chu in hrang Juggy te hovin an chhuahsan hnu ah poh a la zui zel tlat hian thlarau satliah mai2 a ang ka ti lo ani..Hmeichhe naupang te khongaihthlak awm deuh thlarau tak2 chu ni se a sual poh a rinawm loh..Heng fmiliar spirits te hi mak ve tak anni a..Sap nu pakhat poh hi zanah thil dum vek hian a rawn thrut bet tlat thin a..chutiang chu zan tin ni lo mahse a awm tak fo hnuah chuan mang chhia satliah mai anih a rin tak loh avangin Pastor hnenah a kal ta tawp mai a..Chu ta an pastor in a hmuhchhuah chu chu nu Pi (grandma) chu hmanlaiin dawithiam a lo ni thin a chu ramhuai chu a lo zawl thin ani tih an hmuchhuak ani..Heng ramhuai te hi hmun pakhatah emaw mi thenkhat ah te an attach lakloh toh chuan an kal bo mai2 duh lo thin an ti ani..Chuvang chuan pathian thu nen a tran lak a ngaih a rinawm ta riau ani a la ron inlar leh zel anih chuan..Nakin hun zelah nangmah,i thiante leh chhungte chung ah poh effect a nei zel palh ang ti a hlauhawm ani..
December 19, 2011 at 11:59am · Like ·  4 

A ruolpa hin Juggy Bone a ta dingin members tin haiin tawngtai pek dingin a hung ngen a...Kha zo khan iem a chang pei hriet an ta nawh..Pathien zar chauvin hne na chu a puong thei ngei ka beisei...

Hmuaka Thlahrang By Isaac Zote

Ka pu kha pa titi thiam leh sawi tur hre zet mai  a ni a. Miin an thil tawn an hrilh te kha a tawngtute sawi ai maha ngaihnawm leh awihawm hian a sawi chhawng leh thiam a, a tawngtute ngei ngei ngei pawhin an thil tawn, ka pu sawi chhawn leh chu an ngaihthla kham thei ngai chuang lo. A titi ngaithla tur ringawt kha inleng  kan nei nghek nghuk reng mai a ni. Zan lamah khan an lo leng khawm ber a, keipawhin pawnto thulh thak thakin ka lo ngaithla ve fo mai. Chu’ng a titi chi hrang hrang zinga ama tawn ngei a sawi pakhat hi ngaithla teh ang.

“Kan rawlthar chhuak hlim chu  tha a zain kan harhvang bawka in lamah pawh hian kan tawm hman meuh lo a ni ber mai. Hun awl hlekah chuan khaw thenawm nula kan rim loh leh kan ramchhuak thul, khati reng renga hun kan hman avang khan chhungte pawhin min kamkhat zeuh zeuh fo mai. Mahse a hun lai kha chuan kha aia nuama hun hman dan kha vang ve deuh a nia.

Khatih lai kha kan la mawl zual lai leh ramhuai eng ilo kan hlauha kan sawi uar em em lai kha a ni a. Kristian chu ni ve tawh bawk mah i la, a khat tawk hian khawhring hnawhchhuah tih te, tualsumsu tih te kha kan khua   leh a chhehvelah khan hriat tur a awm reng reng a. Thil mak tak tak tawng leh hmu kha an awm fo a, awih vek sen a nih loh laiin awihloh vek theih lah a ni hek lo. Kei ka thil tawn pakhat pawh hi a tawnglo tan chuan a makin awih pawh harsa ve fu tur a ni ang.

Tum khat chu favang awllen laiin thiante pahnih nen ramchhuah kan rel a, in lama kan tawm rei deuh tawh avangin kan phurin tha a za tar tawh mai. Kan ramchhuah dawn zanah chuan vengthlang Pi Chemi inah zufang kan hawp a, kan titi pawh a tuiin a tuk lama kan chetdan turte kan sep rawtui nasa mai a. Chutia kan titi tui viau lai chuan Pi Chemi pawn zunzunga chhuak chu a rawn lut a, “ngawi teh u, Hmuaka te in atanga chhawihfa thlawk chhuak ka hmu tlat mai, ka ngaih a tha hauh lo. In ramchhuak tur lah chu han thulhtir theih rual in ni awm si lo a, zu fimkhur hle ang che u”, a rawn ti lut lawng lawng a, keini lah chuan kan lo ngai thupui lo nasa mai si. A tuk ramchhuak tur kan nih avangin leng hawn ar khuan hmain kan haw a, kan mu ta dial a.

Zing ka han harh chuan zawlbuk tapchhak meilum kilin Manghleia mumang an lo sawi khawm laih laih a. Manghleia mumangah Hmuaka chu insiamchhemi ah a lo chang a ni awm e, ngai thutak viau pawl leh fiamthu nena lo bawlphuan tawk an awm nawk a, keipawh chuan nizan lama pi Chemi thil hmuh nente ka’n ngaihtuah chhunzawm a, ngaih tha chiah siloin ka la thutak lo lui ve ta mai mai a. A thuhrimah Manghleia hi naupan laia meichher indah hlatsiak kan tih pawha a kal hla ngamlo ber, hlauh ngah leh hlauhawm sawi tur hre thei zet kha a ni a, menah ka thlak lui ve deuh bawk a ni.

Pitar pakhat thil hmuh leh Manghleia mumang vang mai maia ramchhuah thulh ngawt thu awm heklo,  nau riltam hun awm velah chuan ai lui kan thleng thla der tawh a ni. Meizuk te siamin kan han inphih thlandai a, kan kal leh ta zel a. Lui kan perkaisan dawn lai tak chuan lui mawng lam atanga rawn kuk raih raih ri hi kan hria a, Hmuaka chuan a’n chhawn ve a, lui mawng lama rawn kuk thawm chu a reh leh daih lawi a.

Kan zinga upa ber Hlira chuan a rawn kuk leh pawhin chhawn tawh miahlo tur leh hetiang ramhnuaiah chuan hriatchian loh chhawn mai mai a thatloh thu leh upate’n an duhloh thu te a sawi a, kan kal leh zel a. Chutih lai tak chuan a hma aia hnai fe ah a rawn kuk leh ta rawih a, kan aw hriat than a ni lo a, kei phei chuan mihring rawl ni pawhin ka hre chiah lo. Engati tehreng nge mawni Hmuaka chuan a’n chhawn leh mauh mai a. Hlira’n a kamkhat dawn lai tak in lui mawng lam hla fe ah chuan kuk ri rawih thawm chu kan hre leh vuai vuai a. Ngaihtha chiah si lo, ngaihthatlohna chhan tur chiah hre bawk si loin kan kal ta zel a.

Behliang mun hun awm velah kan buk sakna tur kan thleng a, chakte lain a thenin thing kan fawm a, kar loah kan peih ta thuai a. Tui kan chawi ngah hnu chuan Hlira chu zanriah hmeh tur ngaihtuah in a chhuak  a. Hmuamda awm vel lekah chuan silai ri kan hria a, Hmuaka chu a han kuk raih a, Hlira pawhin a lo chawn vat a; Mahse Hlira rawn kuk rual deuh thaw chuan Hlira awmlohna lam atang chuan kuk thawm kan hre tel ta tlat mai! Hmuaka nen chuan kan han in en he haw a, Hlira aw thangkhawk niin kan hre si lo a, mak kan ti hle.

Hlira chuan Sakhi patuai nalh zer zawr tak mai hi a lo kap a, buk sira luite ah chuan kan puahin kan sawngbawl vel a, kan hlim dar dar hle. Zanriah chu puar el euhin kan ei a, riahluh tirh zan a ni bawka chumi zan chu tumah sa chang pawha chhuakloin kan titi mai mai a. Kan kal lam leh kan thlen hnua kuk thawm kan hriatte chu kan sawi a, mak kan ti deuh hle nain tuma’n hlau ang chuan kan awm duh chuang lo.

Kan titi a zuihral tial tial a, kan muhil ta hlawm a. Engtia rei nge kan mutthilh hman chiah ka hre lo, engemaw ri deuh kuk kuk, thaw deuh hrawih hrawih ri niawm tak hian min tiharh a, Sakeiin kan sarep a rawn beisei a nih ka ring a. Kan meituah pawh a rem tawh vang leh zunram thiarte ka duh bawk avangin ka tho a, mei ka’n chhawm en chuan Hmuaka chu a mutna ah a awm reng renglo tih ka hmu ta a ni!

Hmanhmawh leh mangang phili takin meichher ka chhi a, buk pawnah chuan ka’n chhuak a, meichher chuan a en thui loin kei lah thui ka kal ngam bik bawk si lo a, buk chhunga lutin Hlira chu ka kaitho ve ta nge nge a. Meichher siam belhin kan buk vel leh hla deuh fe thleng chuan kan zawng a, kan au deuh reng bawk a, rei tawk fe nia kan hriat kan zawn hnu pawh chuan kan hmu chuang si lo a, bei a dawng duh ram ram hle. Hlira chuan buka let leh phawt a, rorel that a rawt a, keipawh chuan ngaihdan dang han phuhchhuah tur thlawt ka hriat loh avangin buk lamah chuan kan let leh ta rih a.

Tihdan tur ngaihtuaha kan indawm kun reng lai chuan buk piah deuh atangin thawm a rawn awm a, meichher nen kan tlanchhuak vat a, thim chin leh chin lohah hian mihring niawm tak buk lam pana lo phei hi kan hmu a, a rual deuh thawin Hmuaka, kan ti tuarh a, min chhang lo. Chutah Hmuaka ngei mai mei enga kan hmu ta chu ka tim sung sung mai. A ka leh kamsir velah chuan thisen a luang nguai a, sa thin leh a lung vel ni awm tak hi thisen far tluk tluk chungin a la khai bawk a, chuti chung chuan min rawn pan phei chhur chhur mai a nih chu!

A mitmeng chu a a ruai a, a lu a thurin a thawmhnaw te chu heti em em hian engtin nge a lo intal balh hman, tih mai tur a ni. Hlira chuan, LALHMUAKLIAN, a’n ti leh tuar a, chutah lo harh ta hlawl ni awm tak hian a rawn meng fiah a, a kaihza a zawi hnawk a, a tlu ta mai a.

A bo laiin kan mangang em em a, kan hmu ta cheng a, thawven huai awm tak a nih vei nen kan la buai dawn chauh a ang hle mai. A pum chu na a ti em em a, a khawsik a sang hle bawk.  A taksa bawlhhlawh zual kan tifai a, kan muttir ta ngawt phawt mai a ni.

A chang leh a tal awrh awrh a, hlauh nei ni awm takin a meng phar vak vak thin bawk a. A mar lah chu a changin a phu rang em em a, a chang lah a mar a tawp ta mai emaw tih turin a’n awm vei thul, kan buai takzet a ni. A pum nat zual chang chuan a vial ngawih ngawih a, a chatthla mai ang tih te pawh kan hlau rum rum ta mai.

Kan thiam dan danin kan bawihsawm a, a sawtlo hle mai si a, a tawpah Hlira chuan, tu emaw zawk zawk hi zualko a kan tlan a ngai a ni, a ti ta a. Naupang zawk ka nih avangin duhthlang turin min ti a, thlan zawk tur a vang duh khawp mai. Heti lai atanga khua thleng tur chuan chak theihtawp pawhin kal mah i la hun a duh rei dan tur ka hre vek a, zanthimah meichher nen phei chuan ka zuam ngang lo a ni ang, Hmuaka lo awmpui chu ka thlang ta zawk a, chu pawh chu thil nuam hnai tak zawng a ni lo.
Zualko tura Hlira a chhuak  chu ka thlir liam a, khua a har duh dawn raih raih hle in ka hria. Thla no ral lam tawh  chu ngaw karah a rawn thlur lut ve deuh sung a, awm a tinuamlo letling thei rum rum zawk mai. Hmuaka chu che loin a mu chawrh chawrh a, a khat tawkin a rum leh dar dar thin bawk a, a khawsik sang lutuk tih ziaawm na’na puan huha a chal vel hruksak bak chu tih theih leh thiam ka nei lem lo.

Ralkhatah sihal a  u rawng rawng a, chumi hnua Hmuaka awmdan chuan min ti thlabar chiang hle. Ngawi renga mu, a muhil emaw ka tih kha sihal u a hriat ve leh chuan a inbeng kang a, a u ve ta ruah ruah mai a nih chu. Ka kuahbet a, ka ko sek bawk a. Chutah tha tawp tak meuh hian a talin chhuatlaiah chuan a’n talkual ta tak tak mai a, chutih pah chuan a sarakin awmze neiloin a riat vak vak bawk a.

Chutia a tal kual vel chu thawklehkhatha a zawi hnawk a, kahthlak ang der hian a awm leh ta thung a. Mahse a mu tha reiloin a hnua a rawn awm leh dan chu ka hlauin mipa ka ni, tih a har khawp mai. Zualkoa ka lo tlan zawklo kha ka inchhir rum rum mai a ni.

Tapchhakah mei ka chhawm that lai takin a rawn thawm tiah tiah a, ka zu hawithlak chuan a che tial tial a, thutung titih in a rawn hawi chho a, a Khabe kuai balin  mitmeng tung hru a min rawn melh kur mai  chu!   Khatih laia a hmel kha theihnghilh theih ka duhin ka theihnghilh thei si lo a, tun thlengin ka mitthlaa ka hmuh ngawt pawh hian ka la mur sung sung thei a ni. 

Intih pa a intih kawl vel theih pawh a ni lo, buk kawngkaah chuan tlanchhuah inringin ka ding khur dar dar mai a ni. Chutah za em em hian a nui uar uar a, min la han kawk ta dah a, kah pawp mai a chakawm rum rum thei nia. Ka tlanchhuahsan daih ang nge ka zu bawhthlu zawk ang, tia ka inngaihtuah lai takin  a hma lama kan lo hriat tawh, kuk ri ngei mai kha kan piah lam mual atang chuan a rawn ri leh ta rawih a. Hmuaka awmdan chu chawp leh chilhin a danglam nghal a, hlau thlabar em em mitmeng hian min rawn melh a, a mutbu ah chuan a tawm chawih chawih bawk a. Chumi ka hmuh chuan ka hnaih a, ka kuahin thil awmzia ka zawt sek a.

Hlau em em a khur hlawk hlawk chung chuan a chang leh fiahlo ruai hian a rawn riat chhuak leh niah niah thin a. Min chhan rawh, min chhan rawh aw, a tih loh leh min hnaih suh, min kalsan loh chuan a man ve ang che; Khawiahmah tlanchhiatsan theih a ni lo, a ti thul. Rilru a nuam duhloin awmngaihna tak hriat a har hle. E’nge ni, engtin nge i awm, ka tih lahin min chang bawk si lo.
Chutia kan inbawihsawm vel lai chuan kan buk pawn lawkah chuan patling nui ri uar uar thawm hi kan hre ta mai! Buk bul vel thingkunga sava riak te pawh chu hlau leh thlabar tih hriat takin an rak chul a, an thlawk darh ur ur bawk a. Hmuaka lah chu a inlukhup a, ngaihthlak nuamlo zetin a rum ngul ngul bawk a, ka mang a ang takzet a ni.

Eng thawm nge rawn awm leh ang a, eng thil nge lo thleng zel ang, tih ngaihtuah chung leh ti ru taka ka awm lai chuan Hmuaka chu a rawn phu zawk zawk a, chutah thawklehkhatah a rawn zuang tho zawk a tapchhaka kan sa rep chu a tul chawpin a la thla a, chilphuan tla buah chungin a ei ta hmuar hmuar mai a nih chu!

Hlau, mangang leh tih ber tur hreloa ka hawihaih lai chuan a sarep ei lai chu a chawlin min rawn en ta a, chuta a hmel chu Hmuaka aw zawng a ni lo! A hmel kha ka sawifiah thiam lo, ka hmuh ngai a ni lo. Hang thim hmuk, mithmul buk tak mai leh hnar zum vun mai hi a ni  a, mei engah chuan nui hmel hi a pu lek lekin a hriat lehnghal a, mi rap kher mai.

Muangchangin a ding tuah tuah a, a pianphung reng reng te chu mak danglam tak hi a ni. A dar chu a hlaiin a kum deuh khun lawi a, a ring a chih chuih bawk a. A san em avangin  kan buk chhungah pawh chuan ding ngil theiloin a kun du a, chuti chuan min rawn chhuk melh ta run mai a nih chu.
Ka te chhuak vak nge, ka tlanchhia nge engtin nge ka awm chiah ka hrechiang ta lo, ‘I hlau lutuk a i thidang a nih chu’ min ti pawh ni se hnial ngaihna vak ka hre lo ang. Mumala thil ka han hriat leh chuan a lo kal bo tawh a, mei chu a lo rem lek lek bawk a, chhawm tha tur pawhin ka che ngam tawh lo. Ka mut hmunah chuan ka inlukhup a, ka tawm ta tlawk tlawk mai a ni. Chuti chunga khawvar ka han nghak ta chu ka piana hnu lama khawvar har tum ber a ni chiang khawp ang.

Khawvel tawp hmain khua a var dawn tawhlo emaw ka tih hial hnu chuan ka lo chhing sek a niang chu sava chiar nawk nawk thawmah ka harh a, khua pawh a lo eng uar tawh a. Ka damlo awmpui ber Hmuaka lah chu ka hloh chu a ni mai si a, a hrilhhaithlak duh hle mai. Khaw engah chuan hlauhna zualpui pawh a lo reh ve ta bawk a, kan buk bul vel chu ka’n fangkual a, engmah phei chu ka hmu chuang lo.

Fehrehsan hun awm velah Hlira leh kan khaw tlangval engemawzat an lo thleng a, thil awmdan ka’n sawi chuan mak an ti hlawm hle. Thenkhat hlau fe fe an awm tih pawh ka hria, diktak chuan ka thil hmuh leh hriat zawng zawng kha ka hrilh lo zawk a ni.
Nilengin kan zawng a, a sulhnu niawm deuh takngial pawh kan hmulo. A tam zawk chu riah chawfai pailo, damlo zawn tura rawn thawkchhuak mai an nih avangin thenkhat in lamah eitur lamin an haw a, chumi zan chu chulai hmunah chuan kan riak leh ta a ni.

A tuk tlai lam deuh thlengin eng thawm riva mah kan hrelo a, kan beidawng tlang tawh hle mai. Tlaia buka kan haw khawm tan lai vel chuan khua atangin rawlthar pathum an lo thleng a, Hmuaka chu khuaah chau taka a rawn vah luh thu leh biak mumal theih a la nih mang loh thu an rawn thlen ta a ni.
Kan insiam thuai thuai a, khua a thim chhilh chhelh tih chuan khaw lam panin kan in zui haw ta diah diah a, kan thahnem deuh bawk a, hlauh lam a lang vak lo. Ai lui kan thleng a, tui te in in kan insil thlandai a, kan kal tan leh chiah tih chuan lui mawng lamah kuk ri raih thawm kan hria a, inkhap hman ni hek lo, Manghleia chuan a’n chhawn ve ta raih mai a. Hlira nen chuan kan in en ringawt a, engmah kan sawichhuak ngam si lo!


PART TWO

Hmuaka damlo buai chu  chatthla mai thei dinhmuna a din tak avangin Hlira chuan Pakhat zualkoa kal a, pakhatin lo awmpui a rawt ta a. Hreh tak chung leh duhthlan tur dang a van em avangin lo awmpui chu ka thlang ta ngawt a. Ka damchhunga ka theihnghilh theih tawhloh tur leh min la tihlau reng tur thil ka tawng a, zualko tura ka lo tlan zawk lo kha ka inchhir vawng vawng mai a ni; Mahse zualko tur khan lo kal zawk i la ka tawn aia hlauhawm kha ka tawng maithei. Khua pawh ka thleng lo hial zawk maithei a ni, tih a hnua Hlira’n a thil tawn min hrilh  atang chuan ka hre leh ta a ni.

HLIRA THIL TAWN : “Ka pa hian upate puithuna thil leh an serh ang chi te hi a ngai pawimawhin a la thutak viau thin a, hman lai upate thu hnualsuat mai mai lo turin min hrilh fo bawk. Tlangval thalai ta chuan engah vak ngaih loh chang leh serh leh sang nei lo ang mai a tal mai mai chang nei thin bawk mah ila  ka pa thusawi hi dik tih chang ka ngah mai.

Tumkhat chu thian pahnih dang nen ramchhuah kan tum a, kan ramchhuah dawn zan atanga thil awmdan chu a fuh lo hle hian ka hria a, ka pa phei chu hrilh i la min thulhtir chiang viau ang. Kan ramchhuahpui tur pakhat, kan thianpate in atanga chhawihfa thlawkchhuak an hmuh mai bakah chumi nena inzul thei mai awm tak chuan thenkhatin mumang an lo nei bawk nen, ngaih a tha chiah lo; Mahse chutiang vang ngawta han thulh chu mi nuih kan tiza ang tih a hlauhawm bawk si a, kan chhuak ta poh a.

Thenkhat tan chuan ho mai mai leh ngaih thupui tlak loh pawh a ni ang; Mahse ka pain min lo hrilh ngun em avangin kal lama Hmuaka’n hriat ngailoh kuk ri a chhawn mai chuan ka rilru a luah deuh reng a, zan muthmuna kan titi naah kan sawichhuak nghe nghe a, thiante pawh chuan mak an lo ti ve hle a ni awm e.

Ka chau deuh a ni maithei hma takah ka muhil a; Mahse thil mak leh beisei loh tawpin min rawn thawng tho ta! Ka thianpain Hmuaka awmloh thu sawia min rawn kaihthawh chuan phak deuh chual hian, sa a chang a ni lo maw, ka lo ti bah deuh nuaih a. Mahse bangkila silai pathum ka hmuh chuan ka thusawi chu awmze neilo a ni tih ka hrethiam ve nghal mai.

Kan zawn beidawna tihngaihna kan hriat tawh loh lamah Hmuaka chu hmel rapawm tak puin a rawn vak thleng leh hlawl a. A khua a sikin a pum chu na a ti em em bawk a. Hetiang ringawt chuan mihring kan inchan dawnin ka hre lo a, upa ber ka nih  avangin rem ka ruat a ngai a ni. Kan thian pakhat chuan Hmuaka a lo awmpui ang a, kei chu zualko turin khuaah ka kal ang.

Thil chakawm tak nilo mahse tih loh theih a ni si lo a, mahnia tal hran chu a ngai ta a ni. Kan thianpa, Hmuaka damlo lo awmpui tur pawh chuan a hreh hle tih ka hre mai; Mahse engmah a sawi chhuak bik lem lo. Ka chhuah dawn chuan Hmuaka chu ka zu en leh kher a, min lo nuih deuh vun a, mi  rap kher mai, ka mur deuh chuai chuiah thei a ni- Mihring pangngai hmel pu thlawt hek lo.

Meichher te siam felin ka chhuak ta poh a. Thla ral lam chu a chhuah tawh avangin kal a harsa lutuk lem lo- a tir chuan! Sunhlu mual kan tih hmun ka thlen phei tantirh lai chuan ka hnung lamah thawm danglam tak mai ka hre ta a. A tir chuan zawitea nui  ker ker ri ni mai hian ka hria. A hnu ah chuan tah chhuak tak, insum tak chung si a inhnit hlawp hlwp thawm ang te hian a rawn ri leh a. Chutah hai theih miahloh tur hian Hmuaka aw ngei maiin, ‘U Hlir, min kalsan suh min chhan rawh’ a rawn ti tuar tuarh a, a rin em avangin ka awmna velpawh chu a khawk rum rum  thei hial a ni.

Hnunglam hawi deuh sek chung leh ngaihngam zan lo chungin ka kal lui zel a. Sunhlu mual ka pel tep tih ah chuan   Ka hnung lama thawm ngaihnawm loh tak tak ka hriat chu a reh a, feh haw leh ramkal haw kan han inpel a, thaw ri deuh suk suk thawm niawm tak hian min pel vuai a. Ka hmalam lamkhuang kung chu thawklehkhatah a che ta luai luai mai a nih chu.

Ral lehlamah chingpirinu a thizun kuih khuih a, thla lah chu en pangngai pawha eng loin sar zam in a
hual a, a sen deuh rum mai bawk nen, a nuam fahran lo hle. Rilru hmanhmawh tak chung leh ka hmalama thil awm  hmachhawn  chak loh vanga kal chak thei chuang si loin ka pen chhat chhat a. Chutih lai chuan lamkhuang buk che luai luai chu a hma aia nasa mah hian a insawi leh ta vak vak a, ka han en chian chuan a ler lam zarah chuan patling pahat hi a lo su vak vak mai chu niin.

Inti mipa ve tak mai ka ni a, ‘ka hlau’ tih tawngkam hi ka hman awm ka la hre lo; Mahse hemi tum zet erawh hi chuan a dan a dang zar mai. Muangchanga kal chhat chhat chungin lamkhuang kung lam chu ka en kar reng a. Chutah thingkung zara su vak vak pa chu a lo hawi a- Hmuaka hmel chiah chiah a ni!
Buk lama tlan let leh daih mai tur em ni, tia ka inngaihtuah laiin ka intihuaisen lui a, mi’n ‘min kalsan suh, min chhan rawh’, ti lawm lawm a, hlau tur leh chhan ngai zawk chu keimah ni loin Hmuaka zawk chu a ni ang tih ka ngaihtuah ta a. A aia hmanhmawh zawkin hmalam chu ka han pan a. Chutih lai chuan thingzar atangin a tla sual ta nge ni, a thum thla dawp a, lamkhuang bul lam chu a hnimin a thim bawk si a, ka hmu thei ta lo.

Hlau teh mah i la, Hmuaka hmel ngei nia ka hriat tlat avangin a hming lam ruai chungin ka tlan phei a, lamkhuang kung chu ka thleng phei thuai a. Ka han hawi vel ruai a, ka thlanglam hnimbuk zinga a bawkvak liam lai chiah chu ka zu hmu hman a. A chetdan atang chuan kal chak thei vak awma ka hriat loh avangin ka umzui thuai a; Mahse thui deuh fe thlenga ka umzui hnu pawhin a liam lai chiah zel ka hmuh hman tak avang chuan thil ka hrechhuak ta. Hmuaka tibuaitu ramhuai emawni thlarau emawni hian zualkoa ka kala midang ka pun lohna’n min hruaibo a tum a ni. Ka vanduai phei chuan keipawh hi min manin min tibuai ve ngei ang!

Rin ang ngei ngeiin ka han hawi kual vel chuan chu thil chu ramhnuai pilril lam panin engemawchen ka lo zui tawh tih ka hrechhuak ta a ni. Ka hawi let a, kir leh ka tum chuan kawng pangngai chu ka lo hlat hle tawh mai a, chubakah ka thil hmachhawn atang chuan awlsam taka kirtir chu min tum loh hmel khawp mai.

Thla engah chuan a mit chu a de thiang rual a, a hmul kawh fur te pawh chu ka hmu thei. Min chin hrep tum ni awm tak hian a ngho a chhuah a, min rawn pan ta a nih chu! Meichher nen ka ni  a, silai ka kau hman tawh si lo. Ka tawlh let leh ta poh a- ramhnuai lam pan chuan.

Thui vaklo ka tawlh let hnu chuan thawm dang ka hre leh ta tlat mai. Hnim buk zing atang chuan,  ‘U Hlir, min rawn pui teh’ a rawn ti tawk tawk mai a; Mahse chu thil chuan ka ngaihtuahna a kai harh hlauh thung, min hruaibo tumna bawk a ni. Bo thei ka ni lo a, khua ka thleng ngei tur a ni.
Ka silai kauin ka hming vawi thum ka chhal a, chutah ka han hmet puak ta chu a ring tha duh rum rum hle. Min hual vel tute pawhin min kian san a niang chu engmah riva dang ka hre lo. ‘Eng’e ni vei’ tih chet a che ka ni ta bawk a, ka ri buan buan mai.

Kar loah kawng chu ka han pawh ve leh mai a, meizuk te siamin ka thu chawl a, ka hmalama chinghne kawng kan zul zul pawh chu ka ngaimawhlo lui tlat a, silai erawhchu ka hum nghet hle. Rei khawmuang loin ka kal leh ta zel a. Ka hnung lamah chuan thawm a awm reng a, a changin nui awr awr ri a ni a, a chang chuan na tuara rum ri kawk kawk leh insawisa ri niawm tak te pawh a ni thin. Va enfiah ka duh thut thut thin na a ka inngaihtuah fim a, ka kal lui hram hram a ni.

Ka sir tuakah chuan engemaw hian min zuiin a ri deuh sul sul reng bawk a. Engemaw chang phei chuan min rawn bawh thut tur niawm tak te hian thawm a nei thin a, ka petek leh dawrh thin a ni.
Thawm riva leh ih vel chu ngaihthlak nuamlo viau mahse keimah tak min tawh loh avangin ka kal an tibuai vak ta lo, min ti hmanhmawhin ka kalchak phah sauh zawk ni tein ka hria; Mahse ai lui ka thleng zet erawh chu ka buai chhiava a ni ta mai, he thu sawi tur hi ka awm lo teuh kher mai.
Ai lui ka thleng chu kaiah innghatin ka tuithawlte ka thun khat a, rei khawmuangloa kal leh nghal mai ka tum a ni. Ka kal tan leh tur chiah chu kai thlang lawk a li ah chuan te deuh tuarh leh tuia thil han tla ri bawrh thawm ni awm tak hi ka hri a, ka hawi let  vat a.

Ka zualko tur min tihbuai tumna a ni ang tih chu ka rilru pangkhing hian a hrechiang khawp mai; Mahse engin nge maw mi mawlh tehreng a mak khawp mai. Hmuaka chhan turin tuiah chuan ka zuang lut ta tho a nih chu!

Tui tla thi tur chuan engkim an ngaihtuah hman, tih zawng zawng ka neih zo a. Ka ruang hi engtikah nge an rawn hmuhchhuah ang tih te, kan kawmthlang nu khan nau a hring tawh ang em, tih te leh thil dang tam tak ka ngaihtuah kual teuh mai. Kan ramvakin buaina kan tawh chungchang hi engtikah nge an rawn hriatchhuah ang, tih ka ngaihtuah thlen chuan ka harh leh ta. Ka thih chuan tuma’n an hre dawn si lo.

Tisa pu siloa min kuah bet tlat tu nen chuan tui chhungah kan inchai ta thial thial mai a nih chu. Ka tha a zawi a, ka chau tawh hle mai. Ka thi ngei dawn a ni- lo. Damna tur a nih chuan thih leh thih. Keimah ai mah chuan buk lama Hmuaka lo awmpuitu chu ka ngaihtuah tawh zawk. A la naupan deuh bakah thil reng reng chu a nghaktu tan chuan a rei duh viau si a.

Engtin tin emaw vaukam chu ka in vai kai thei hram a- ka la dam e. Lui mawng lam ah leh ral lehlamah chuan kuk ri rawih rawih ka hria a, tap rawng rawng thawmte pawh ka hria. Ngaihsakloin ka kal ta zel a, chumi a chin chu engmahin min tibuai ta lo.

Khuaah chuan Hmuaka damlo zawn a ngaih thu ka thlen a, kan chanchin kimchang erawhchu sawi chi ah ka ngai lo. Tlangval engemawzatin min zuiin a tuk chawhma lam ah kan ramchhuahnaa kan buk chu kan thleng a, Hmuaka bo thu kan hre leh ta a, a beidawnthlak duh kher mai”.
Khitiang khi Hlira thil tawn a nih avangin keia thil tawn ve kha hlauin tawn nawn chak hauhlo mah ila Hlira thil hmuh leh tawnte lakah chuan nep tak niin ka hriat phah ta a ni.
Sawi tawh angin Ni hnih kan zawn beidawn hnu tlai lamah khua atangin zualko an lo tlan a, Hmuaka chu chau tak chunga khua a rawn vah luh thu kan hre ta a. Keini ho pawh chu kan in au khawm a, khaw lam pan chuan kan inzui haw ve ta a ni.

Tlangval rual awmkhawm tih takah kalkawngah pawh kan nui rawih rawih a, zai rawng rawng tawk an awm a, kan hlim dar dar hle- ai lui kan thlen hma chuan!
Ai lui kan thleng a, a then kan insil thlandai a, kan thuchawl a. Rei vakloah kal kan rawt a, kan kal leh ta a. Kan kal tan leh chauh tih chuan lui mawng lama kuk ri raih hi kan hria a, inkhap hman ni tawh hek lo, Manghleia chuan a han chhawn ve ta raih mai a. Hmuaka buaina chhan kha he kuk ri a chhawn atanga intan kha niin kan hre si a, inkhap hman ni tawh hek lo, Hlira nen chuan kan in en ringawt mai a ni.

Hlauh ang ngei ngeiin thui kan la kal hman lo tih chuan Manghleia chu a buai ta. A pumna chu a vial ngawih ngawih mai a, kal luihpui chi ziazang ni heklo, hlang kan siam chawp a, kan zawn ta ngawt mai a ni.

A nat zual chang chuan hmel pangngai reng reng a pu lo a, a te vak vak a, rawl mak tak tak a chhuah chamchi mai bawk a. A zawntute pawhin han tilhsan deuh ham ham chang kan nei fo mai. A chilphuan a chhuak buah buah reng a, namen loin a tal leh vak vak thin bawk nen, phuarbeh deuh hial a ngai a ni.

Upa deuhte thlazar hnuaiah kan inzawn ve zel thei zawng a ni. Tuikhur mual kan thlen chuan a awmdan a dang leh ta daih mai. A hmaa tal awrh awrh a te vak vak kha a zawi hnawk a, a che ta hauh lo. Kan han nghat a, kan han en vel chuan a lo chatthla fel der tawh mai a lo ni. Hmuaka damlo zawn tura thawkchhuak, tlangval Manghleia ruang chu khua kan luhpui ta a ni, a hrilhhaithlak hle.
Hmuaka thung erawh kha chu ni rei vak loah a rawn harhchhuak a, natna dang engmah a nei lo; Mahse a thil tawn chungchang han zawh nikhua erawh chuan thlabar em em hmel hi a pu leh thin a, engmah a sawi duh ngai lo. Vawikhat erawh chu hlira nen kan kar nat em avangin hlau chung chungin a thil tawn chungchang chu a sawi ve ta nge nge a-

HMUAKA THIL TAWN : “Hriat ngai loh kuk ri ka chhawn vanga hlira’n min han kamkhat khan ka zak em em a,  a thu kha  zawm ka tum chiang hle a ni, ti i la, keimah hi chuan a zawm a ni. A rawn kuk nawn leh khan engin nge min mawlh ka hre lo, diktak chuan kuk ri kha keimah chuan ka chhawn lo; Mahse keimah ah khan awm a awm ta tlat a, ka ka atang ngeiin kha kuk ri kha a chhuak bawk si.
 Hlira Sakhi kah kan puah vel lai chuan ka pum a nuamlo khawp mai. Inthiar turin thlang lamah  ka chhukthla a, ka thu fel chauh tih chuan thi hlirin ka khawh ta pur pur mai a, ka ngaih a tha lo hle nain ka pumna erawh chu a reh huai thung.

Zana kan han mu ta chu ka thiante pahnih chu an muhil hma ngang mai a, kei erawh chu engemaw tak ka ti a, ka muhil thei mai lo. Mei chhawm that pahin zial te ka zu a, mut ka tum leh lai takin buk kawtah chuan thil tla ri dup thawm niawm tak hi ka hria a, ngaihtha  chiah lo mah i la ka ngai pawimawhlo lui a, ka mu ve ta a.

Ka mu fel hman awrh a ni ang, kan buk kawngka ah chuan Pa pakhat hi a rawn dak lut hlawl mai a nih chu! Ka te chhe nasa teh e. Hmanhmawh lo leh engmah pawisak neih loh hmel zet hian a rawn pen lut chhur chhur a, a sam sei tak chu a thlah hnuang a, a palianin a taksa te chu hmul deuh thur hian ka hria a, ramsa hmul ang erawh niin ka hre lo.

Ka thiante chu ka ko a, ka au tuarh tuarh chung pawhin an mu hnar sek sek mai si a, ka mumang a nih te ka’n ring leh rum rum thin; Mahse a kut hrawl tak leh kut tin sei zul maia ka hrawk vel a rawn nul chuan ka mumang a ni lo tih ka hre chiang hle. Ka che thei hlek tawh lo a, khurh pawh ka khur lo.
Min rek kang a, pawn lam thimah chuan min pawm chhuak ta! Ka rilru a harh kur a, ka che thei der si lo, khatih laia ka mangan zia tak kha aw. Ka thiante lah chu an harh thei si lo. Buk bul thingkungah chuan min pakai pui a, min sawisa ta a nih chu.

Ka chhip samah a khaiin ka pumah chua a hnek vak vak a. Ka hnar atang te, ka ka atang tein thi a chhuak nguai nguai a, te pawh ka te chhuak peih ta lo, a nat em avangin ka rum kawk kawk ringawt mai a ni.

Ka hrawkah a rek a, min that ngei dawn a nih hi, ka tih lai takin kan thianpa pakhat chu meichher nen a lo chhuak ta hlauh mai, khatih laia ka lawm zia kha; Mahse beidawnna in min rawn chim chawpchilh leh nghal a ni mai. Ka tha la neih zawng zawng sawmkhawmin ka tal a, ka thianpa chu ka au vak vak a, min hmuh loh mai bakah ka aw pawh a hre lo. Kan hnuai lawk lawkah chuan a vei tawn sek ringawt mai a ni. Min man tupa lah chu za em em hian a nui uar uar reng bawk a.

Chutah min paw bahlat nawlh a, min zuan pui ta zawk zawk mai a ni. Mual lian pui pui te hi kan zuan khum a, kan thlawk chiahin ka hre si lo a, a ngaihna ka hre lo hle. Hmun rual rem leh thelh nuam takah hian min nghat a, ‘tunah chuan ka thuhnuaiah i awm tawh a, ka thu thu in i awm ang, thu i awihloh chuan i thi nghal ang’ tih pahin ka bekah min beng chawrh a.

Nikhua ka hre ta lo- ti i la, khatih laia ka awmdan kha sawifiah thiam a har hle. Mihring ka ni nge ramsa nge thlarau tih pawh ka chiang ta lo e. Min ben avang khan nikhaw hreloa tlu niin ka inhria a, keimah ngei te pawh chu ka inhmu lawi a. Chutih laiin achang chuan ka thian, ka ramvah puite ka hmu bawk a, ka chiang lo a ni ber mai.
Ka ngaihtuahna leh suangtuahna nge ka thi a, ka thlarau a chhuak zawk pawh ka hre lo. Bukah kan thianpain tuiluma min deh laite chu chiang angreng tak hian ka hre bawk si. Chutih lai vek chuan U Hlira te ka hmu ruai ruai thin bawk a..

U Hlira kan lampana lo kal hi ka hmu a, min man tupa(ramhuai-a ka ti mai) chu ka bulah chuan a thu run bawk a, U Hlira chuan min hmu loin min kal pel a, ka auh vak vak pawh in a hre thei lo. Min kalpel a, a liam tep tih chuan ramhuai-a chuan ka aw ang chiah chiah hian, ‘U Hlir min chhan rawh’ tiin a han au a, U Hlira chuan a hria a ni ngei ang, a inher  a, kan lam chu a rawn hawi vang vang a, min chhan turin a rawn let leh dawn- ‘U Hlir, heta hi ka awm’ ka han ti ve chu, keima aw ngei pawh chuan mi rap thei nia, nui ri uar uar thawm ang hian a chhuak ta tlat a nih chu.  U Hlira chu a kal liam leh ta.

Ramhuai-a chuan, ‘ka ta i ni tawh a, keimah ang i ni tawh, i thiante pawhin engatan mah an ti tawh lo che’ min han ti lehnghal a. Ka beidawng thinrim lutuk chuan hnek thluk thuai tumin ka ban ka han vai a, keimah zawk chu ka vial leh ta ngawlh ngawlh mai.
Sawi tawh angin ka awmdan kha mumang nge a tak, tih ka hrechiang thei lo. Vawikhat pawh chau em em in buk kawngka bulah  ka mu a, chutih lai chuan kan thian pakhat chuan mei a  chhawm tha mek a, chau tak chungin ka han au a, a hre lo a, hmuh pawh min hmu lo.

Chu achhapah thlanglam khumah chuan ramhuai-a chu a lo mu zun a, hmuhsit hmel zet hian min rawn nuih vur vur mai bawk a. Kan thianpa hawi letin a zu hmuh pawh chuan a phu chiang ve hle in ka hria. Chutah ramhuai-a chuan a khabe kuai balin a han insiam chhiat khum leh nghal a. Tlanchhuah tumin kawngkaah, ka bulah chuan a rawn ding a, ka lo ko vak vak a, awmzia a awm si lo.
Mumang ang mai hian thil a kal vuai vuai a, chiang manglo, chiang tak tak siin a thleng a, ka thiante pawh chu ka hmu ka hmu a, achang chuan min hmu ve bawk a, min hmuh ve tum lah in min lo hlau em em a, ka hrethiam lo thin kher mai.

Ramhuai-a chuan ai lui kai bul lawkah min nghat a, chutih lai chuan U Hlira a lo kal mek bawk a, min hmu lo. A hre leh dawn chuang lo a, koh pawh ka ko peih lo. Kan bul lawkah chuan a thu chawl a, rei vak loah a kal leh ta a. A kal leh chiah tih chuan Pa-liana chuan ka pumah na lutukin min nghawk a, ka te tuarh a, ani chu tuiah chuan a zuangthla nghal bawrh bawk a.

U Hira chu tuiah chuan a rawn zuangthla ve ta tlat mai. Keimah emaw tiin min chhanchhuah a tum a ni ngei ang. Ramhuai-a sawi ang in ka thiante hian min la thlauhthla lo a ni tih ka hre leh ta a, ka hlim ve leh deuh. Chutih lai vek chuan a hmaa ka lo ngaihtuah miah loh, tawngtai duhna rilru ka nei ta bawk a. Ka tawngtai khan e’nge ka chham a, e’nge ka dil ka hre lo; Mahse ka han men chuan U Hlira chu chau takin vaukamah a lo chhuak mek a, kan ramhuai hmel erawh chu a hmuhnawm loh hle, rum em em a min melh chungin mi phih tho lawp a, rak ruai ruai chungin min zuan pui leh ta dawr  dawr mai a ni.

Zan lama ka thil tawn kha a chianglo ruai khan ka hria a, ka han harh chuan khua a lo var tawh , heta chin hi chu chiang tak vekin ka hre ta. Ka awmna chu puk a ni a, inbeng kangin ka han hawikual vel a, ka phu chiang hle mai. Naupang bal leh bawrchhawr em em pahnih hian min lo melh kiau mai chu niin.
Ka te chhuak em lo naa, ka tawlhhnung dawrh in ka hria.

Ka han en chian erawh chuan hlauhawm an niin ka hre leh ta lo. Thawmhnaw mumal pawh inbel lo, samsei leh bal zet hi an ni a. Hlau chiah lo mah i la pakhat zawkin min rawn pan hnaih a, ‘hei hi Pa Puia’n ei rawh a ti’ tih pah a a thil min rawn pek ka’n en chuan ka tim sung sung a, ka uak tuar tuar mai. Utawk lam chi hi ni berin ka hria; Mahse mihring hmel ang deuh hi a pu a, a then thu bawk a, ei tina han tin chi niin ka hre lo.

Rin aiin an kawm theih phian a, ‘Pa Puia’ an tih chu kan Ramhuai-a kha a ni. An chanchin leh he laia an awm chhan chu an sawi ngam tlat lo. Puk chhung atanga chhuah hlek pawh chu an ngam loh mai bakah kei pawh ka chhuah vaih chuan ka thih tur thu an Pa Puia chuan a lo hrilh a ni awm e. Kei aia dinhmun chhia leh hlauhthawnawm a ding ni awma lang ka’n hmuh takah chuan ka hlauhna te chu a rehin anni chu ka khawngaih ta viau a; Mahse engin nge maw mi mawlh tehreng ni tlanchhuah reng reng ka tum lo.

Khua a thim a, thim tak a ni. Thlang deuh atang chuan ramhuai-a aw ngei mai kha a rawn kuk ruih ruih a, kan naupang pahnih chu an tawm chawih chawih a, hlau tih hriat tak hian min kuah deuh chung bawk a, kei lah ka belhtlak loh nasa. Pukah chuan a rawn lut a ni ngei mai, engmah a hmuh theih loh naa a hriat theih a ni. Min kuahna lak ata naupang pahnih chu a phih chhuak lawp a, puk kill amah chuan an insawisa ta ni ngei tur a ni, tap thawm leh thinrim te thawm nen, ngaihthlak a nuam lo ngei mai.

Heti ngawt chuan a dik dawn lo, ti rilru chunga va chhan ka tum lai takin mi rek kang lawp a tal thei ka awm lo chiang hle. Ka ei duh lo, te i ti vel maw, tih pahin engemawni hi min han barh lui bawrh bawrh a. Chutah, vawikhat pawh naupangte saw i be tawh tur a ni lo, i biak leh chuan i thi ang. Ka thiltih theihzia hi i hre tulh tulh dawn a ni, nangmah zawng turin an rawn thawkchhuak vel a, an zinga pakhat ka tihlum ang, tia min an khum pahin ka te chhuah peih tawh loh thleng min sawisa a, min chhuahsan ve ta a.

Min sawisakna avang chuan ka che hleithei lo a, inleh vel pawh a har hle mai. A tuk ka han harh chuan ni a sa ut a, eng hun nge tih ka hre thei lo. Ka tlanchhuak ngei tur a ni. Puk kawngkaah chuan ka va dak a, ka awmna chu kan khaw ram, Ringthar bawk a ni tih ka hre thei ta mai bawk a. Naupangte hnenah chuan ka tlanchhuak dawn a, lo kal vat rawh u, ka ti a, min chhang lo. Hlauh hmel em em hian min  en ngawih ngawih mai a ni. Ka kal dawn tak tak chuan a lian zawk chu a lo tlan phei a, min vawn chawt pah in, ‘kan chanchin hi tuma hnenah rawn sawi suh aw, kan thih phah zawk ang’ a ti reuh a. Mahse a hmela tanpui ngai hmel kha ka hmuh hmaih lo.

Tichuan harsa tak chungin bawkvak ti tihin khua chu ka vak thleng thei ta hram a ni. Khua ka thlen hnu pawhin  min la chhaih buai min la chhaih buai a, a chang chuan ka mumang lamah te hian naupang pahnih kha ka lo hmu a, lo let leh la, hlim deuhin kan awm dawn nia, te hi an lo ti thin a, ramhuai a lah chuan ka chungchang i sawichhuah hun hunah i thi ang, min ti reng bawk thin a ni”.

Hmuaka’n a thil tawn a sawi hnu lawk khian kan khaw pasaltha rual leh Pathian thuhriltute nena inthurualin Hmuaka sawina lai hmun, Ringthar bawkah chuan thawk pheiin harsa lutuk loin naupang pahnih te  chu kan va chhanchhuak ta a ni.
Khaw thenawm vel thlengin chutiang naupang bo chanchin hre thei awm kan zawng chiam a, tuma’n an hre loin, ka ui ka ar ti tumah an awm lo. Anmahni lah chuan an chanchin chu an sawi duh der mai bawk si lo a, tun thleng hi chuan an chanchin kimchang kan la hre ta lo a ni. Nakinah sawi duh hunte pawh an la nei ve mahna.

Shillong ka awmm ve lai - I By Isaac ZoTe

Pawl 11 leh 12 kha Shillong St. Anthonys ah khuan ka zir ve
a..Ka chhungten inluah an phal loh avangin Private hostelah ka awm a..Jiinkieng,Nongthymai a awm ani nghe2 a he hostel hi...Sak thar hlim hlol anih avangin a awm hmasa ber batch kan ni a..Shillong chu chhe lo fe fe hi an tam ve bok a lenchhuah hi kan hrat ve thei khop a...Hetia lenchhuah vel chang hian In tha pui pui, luah tu awm lo a Tala a an kalh bur mai hi ka hmu fo mai a..hmun pakhatah chiah poh nilovin veng dang2 ah chutiang in chu an awm nual a..Kei phei chuan enge omzia poh ka hre lem lo..

Chuta kan awm hnu fe toh ah chuan Haflong lampang mi 1 hi a ron awm ve a..keini aia U daih ani a..Pawl 11 kan zir lai poh a MA zir th kha ani a..in luah char2 thin a chhungten hostel a awm tur a an tih avanga ron lut ani a..Shillongah poh rei fe lo awm th ani a...Chuvang chuan voikhat chu a lo awm rei toh bok a tiin In tala a inkalh bur mai chanchin chu ka zawt ta chawt mai a..a lo hriat mial takin ka ti rilru mai2 a..

I la hre nange? ka hrilh don che ania zaninah in roomah ka ron mu phei ang a,ka hrilh ang che min ti ta a..Chuta min hrilh chu ani ka sawi tum tak chu..Ama hmuh leh tawn ani bik lova, dawt nge thudik anih poh ka hre hek lo..mahse a sawitu pa hian chuan tak tak anih ngei a rin thu erawh chu min hrilh a..He group ah poh hian he thil hi lo hre toh in awm ani emaw chiang zok a hria emaw in awm chuan min hrilh turin ka duh bok che u ani...

Khai le..i sawi tran ang..Ka thianpa min hrilh dan ang chuan soi mai ilangin..Kan hriat angin Shillong ah khuan Northeast ram dang2 atanga zirlai kal khom an tam khop mai a..Chung te zing ah chuan Naga tv 1 poh hi a tel ve a..Nagaland atanga ron chhuk hlim hlol ani a..In luah tur a dap ruai a..A hnu deuh lokah chuan Concrete building var, in lianpui 1 hi a hmu a mahse Tala in an kalh tlat bok si a..mak a ti angreng hle a...a in bul vel ami te chu khonge a neitute an awm tih te a va zot a..A neitute chu veng danga awm anni a..

Khatia in tha pui si..tala a kalh ringot mai chu..reilote tal poh min luahtir an phal lo amaw ni tih te a ngaihtuah a..An awmna veng a zu kal a a in neitute zu biak a, student te a ni bok a, an lo hriatthiam a tlawm deuh hlek a luah an phalsak chuan luah a duh rilru hle a..A hnu chuan an inah chuan a zu lenglut ta chawt a..A neitute chuan an in chanchin chu an lo sawi tha vak duh lem lo a.."I luah peih tak2 lovang..in luah tur dang zong mai roh" te an lo tih lia m sak mai2 a...

mahse luahtu nei lova awm reng tho anih thu leh student te an tranpui theihna kawng pakhat anih zia thu te sawiin engtin tin emaw a ngen thlu thei ta hram a..Engzahnge luah man ni ang? ti a a han zawh chuan i luah duh anih phot chuan tlemte in i luah don nia an lo ti ta mai a..mak ti rilru deuh si lawm rilru bok si chuan a thlenna in (a thiante inah) a haw ta a..

Chutia in luah tur a hmuh chu a thiante hnenah chuan a hrilh ta a..Mahse chu mi In chungchang chu a thiante chuan an lo hriat thawi avangin luah lo turin an duh a..Luah lo mai roh khi in khi chu a tha lo aniang te an tih sak a..Mahse he pa hi inla Pa ve chi tak ani bok nen..an thil sawi te poh chu a hnial thla fai ta vek mai a..tichuan a tukah chuan riak tran turin a in pu lut ta ani..

Zanah chuan lehkha te a chhiar a..dar 12 a ri trep toh tih ah chuan mut zai a rel ta a..an mu fel vel chiah tih ah chuan a kawngkhar hi tu emaw ni in ron kik ni awm tak hian a ron ri bur bur mai a..Khasi tv zurui buaina zawng vel an ni ang e tiin a va hawng duh lem lo va..a roomah chuan tho chhuak lo chuan a mu ta reng zok a..a hnu rei lote ah chuan kawngkhar kik ri poh chu a reh ve ta a..

chutia a reh tak avang chuan muthilh a tum zui ta a..chutia muthilh an tum tran chiah tih ah chuan Kawngkhar atang chuan in chhung lam zawng a ke pen ri ron ri phei thlerh thlerh ri hi a hre ta mai a..Chutah zet chuan a awm a nuam ta lo ngei mai..Kawngkhar kha a kalh chiang bok si a..tuma ron loh theiha chi ani lo..A hlauh deuh avang chuan a blanket in a in lukhuh ta a..chu kepen chu a room kawngkhar bulah chuan a ding ta chat mai a...a tawp leh vang2 a..muthilh theih zia zang ani tawh lo..blanket hnuaiah chuan a meng kar toh mai a..

mahse chu kepen ri poh chu room kawngkhar a thlen chiah chuan a tawp ve ta nghal a..a nghak reng a mahse ri dang a awm zui toh loh avangin muthilh an tum leh chiah tih ah chuan (Blanket khan a la inlukhuh reng a) kepen ri chu a room chhungah chuan a ron lut leh ta thlarh2 mai a...A hlau ta ngei mai...A intipachang thei toh hlol lo...hlauhna thlarau in a tiril a man a...Ke pen ri chu a khum bul chiah2 ah chuan a tawp a...A en ngam toh bok si lo...a lum toh bok si...

a thlan te chuan a bual khat vek ta mai a...a reh ta vang2 bok si a..chutia minute 10 vel che chang ngam lova a awm hnu chuan engmah ri a awm toh bok si loh avang chuan zawi zawi in a blanket chu a hawng ta a..........chutah le.....chutia zawi zawi a a blanket an hawn chuan a hmai bul hnai set sawt ah inches 2,3 vel chauh a hla (a hmai ron si thuak in) tih ang velah chuan KHASI PITAR HA BAL LUTUK KUHVA EI SEN HUAM hian a thren khum ta reng mai anih chu.......

A hlau lutuk chu a khum atang chuan a per chhuak ta thut mai a..hnunglam poh en ngam toh lovin pawnah a tlan chhuak nghal a...A zan a zanin kawr poh ha mumal lo chuan a thiante veng dang a awm te in thleng rakin ke in a tlan thleng zak ani awm e..a thiante in a thlen poh chuan sawi poh a sawi tha ngam mang lova..a tuk zing khua a ron var chuan khur zoih2 chungin a sawi ngam chauh ani..

Thlahrang leh Khawhri chungchanga ka ngaihdan By Isaac ZoTe

Thlahrang leh Ramhuaite hi keini Mizo mai poh ni lo khawvel hnam tin deuh thaw leh sakhaw tin te hian an chanchin hi sawi tur kan neih theuh avangin dawt muhlum tawp chu ani hauh lovang tih hi ka mimal rin dan a lo ni ve a..Amaherawhchu heng thil pahnih te hi an awm ve ve em? emaw an pahnih hian enge an danglamna? tih erawh hi chu sawi thiam leh sawi fiah har tak zawng ani ngei mai..

Ramhuaite hi chu Bible ah te poh kan hmuh angin Setana leh a tirkohte an ni a..Kristian ka ni kan ti anih ngat phei chuan an awm hi kan rin ngei ngei tur ani tlat ani..A chhan chu Thuthlung thar ah poh Lal Isua in ramhuai mihring kawchhung ata a hnawhchhuah chanchin te kan hmu a..Ramhuai awm kan rin loh chuan kha chanchin kha dawt ang ah kan pawm tihna a lo ni dawn tihna ani..

Amaherawhchu Thlahrang tih tak zawk hi ani an awm chiah leh chiah loh sawi har em em mai chu..Mizo zingah chauh lo poh khovel hmun hrang hrangah mihring thi tawh hnu hmel leh pianhmang ang a inlar thin chanchin hi a tam em avangin an thil hmuh leh hriat te hi enge maw chin hi chu tak tak anih ka ring a..

Amaherawhchu mihring thi tawh hnu thlarau ngei annih hi chu ka mimal ngaih dan chuan ka ring lo ve tlat mai..A chhan chu Mizo zingah ngei poh thlahrang thawnthu kan sawi atang te poh hian Ramhuai leh thlahrang kan tih te hi an zia rang a in ang em2 mai a..Thla-ai,Hmai plain,Sarthih vang a hrang etc etc he mi group ngei a kan sawi thenkhat te poh hi Ramhuaite chet dan zia rang a ang ka ti lo thei lo kei chuan..

Ramhuai ho hian mihring thi tawh hnu hmel leh pianhmang ang te ron copy in kan zingah an rawn inlar thin ni berin ka hria .Thlahrang in a sawi sa,a chhiat khum,thisen in a theh,a ril a phawrh khum,etc tih ang chi te hi inrikrapna leh intihthraih tumna liau liau angah kei chuan ka ngai a..Heng te hi Ramhuai ho chet duh dan ani tlat ani..

Intihthraih ang zawng a che lem lo te poh hian an rawn inlar leh avanga an chhungkhat laina an thenrual te nun a effect ron neih a,hahdam tak a an thlah liam an phal lo ni te in ka hre thin..Mihring chu a damlaiin eng ang pohin zu heh in emaw Damdawi te khoih nasa mah sela a nupui fanau,a chhung leh kua,a thren rual te rawn nghaisa a rawn tih thraih ang chi hi chuan an chet duh ka ring hran lo..

An mahni hming ngei poh a chhiat tlat thin avangin..Hetiang a ramhuaite mihring hmel hawh a rawn inlar thin hi keini hian thlahrang kan lo ti mai thin niin ka ngai kei chuan..Chu chu Christian hruaitu tam tak Demonology lampang a nasa tak a research leh study lo nei toh te pohin a an ngaihdan tlangpui chu ani..

Demonology lampang a sulhnu lo nei toh tam tak te sawi dan a inang thenkhat chu mi piangthar lo an thin hian an hmel leh an pianhmang te chu hawhin an damlai a an chenna velah midangte tibuai turin ramhuai ho an che thin tih hi ani a..Piangthar te erawh chu an hawh sak ve theih loh thu an sawi tlang pui thin..

Tualthahna hmun te,inawhhlumna hmun te,sar thihna hmun,etc te hi Ramhuai ho hian remchangah la in mihringte rik rap nan hian an hmang thin niin a lang..Engpoh ni se, ka ngaihdan hi a dik ber e ka ti hran lo va..kan thil hriat phak loh leh kan hriat phak bak anih miau si avangin a dik ber han tih theih erawh chu a awm lem lo..Midangte poh hian kan ngaihdan te han sawi ve ilangin a tha awm e

Mumanga Mithi tawh hmuh hi By Isaac Zote

Mumang lam mi thi tawh te hmuh hian harchhuah hnu hian nasa takin ngaihtuahna chu a ti sei ve duh ngawt mai...a bik takin chhungte hnai vai emaw kan khawngaih/hmangaih tak te annih phei chuan... Enge heng kan mang te hi awmzia ni ang aw tih te hi nasa takin ka ngaihtuah ve mai2 thin a..Kan ngaih em avang a kan mangphan sathliah mai2 nge ni ang a, chhan leh vang tha tak nei zok? A thren te phei hi chu hun rei tak chhung kan rilru ngaihtuahna ah poh hmun chang pha tawh lem lo te poh mak tak maiin mumang lamah an rawn inlar ve ngut leh thin bawk si a; thil hrilh duh engemaw tak anni thei ang em? Nge an mahni tak2 ni tawh lovin thlarau dang te hian an hmel rawn hawhin min rilru rawn tihnat emaw rawn tihbuai emaw thin zok? A chhan hriatchian chiah phei chu a har khop ang le..Thei chu a rah atangin a kung poh in hre thei ang Lal Isua'n a tih angin...Thil zawng zawng erawh Pathian atang emaw Ramhuai atang vek ani lem lo thei tlat..Pathianin mumang hmangin Josefa te Daniela te thil a hriat tir thei ang bokin Eng thuam a inthuamin thlarau sual te pon mumang atangin min chhaihbuai hi an thei tih chu a rinawm ve tlat ani..

           Mumang lampang kaihnawih thenkhat mak ka tih ve deuh2 te kan sawi ve mai2 ang e..Thlahrang/Ramhuai lam phei chu ani lem lo mai thei..Mahse a makna a nepin ka hre chuang lo...# Engineering ka zir ve lai chuan 1st year kan nih laiin roommate dang 2 ka nei thin a, Tribal kan tlem theih hle avangin Tribals awm chhun hi chu kan inngaina em em a, engkimah hian kan intran tawp thin hi a ni a, roommates poh kan ni deuh zel nghe2 a...Ka roommates (kan room hi 1st floor sir tawp ber ani a) te hi Senti Aren (Ao Naga ani a, a hming sawi ila poi lem lo awm e) leh Roop Kutum (Arunachali, Mishing hnam) te anni a...Aren a nen hian chuan a tir atang phat a inkawm ngeih nghal kan ni a, mi rilru tluang tak leh uikawm lo, hawihhawm tak ani bok a..Roop-a erawh hi chu a mak kan ti thei hle a, lekha hi a men chhung hi chuan a zir ani tawp mai a, a secluded em2 a, a tawng ngai mang lova...

          Zana a muthilh te hian a rum vak2 thin a, Christian ani ve lo bok nen thlarau lamah hian harsatna a nei thin em maw ni aw kan ti hial thin reng ani..Zan khat chu a mang a chhe hle ni tur ani a rawn au chhuak nasa mai a, a tho thut a, tukverh lampang a bih hu hu a...."Isaac!! Aren !! tho ru...tukverh ah sawn zawng nge mihring dum vek, 2nd floor lam a vak chho ka hmu ania" a rawn ti tuarh2 mai a...

           Ka muhil kha ka mu nghet vak lo nge ni a au rin vang zok ka ron zuang tho nghal titih a, Roop-a hmel ah chuan hlauhna hian a khat tih chu ka hrethiam nghal mai a "Engtin maw? Engmaw i hmuh?" ka ti a..tukverh lam a kawk nghal a...Hmanhmawh lutukin tukverh lamah chuan ka tlan chhuak nghal a ( zep lovah chuan ka hlau ve deuh tho mai, mahse thian te ber khatia chi-ai leh thlabar taka siamtu chu tiin a duh duh lo awm mai rh se ka ti ve tawh mai a)..

           inchung lam 4th floor thlengin ka en chho vek a, thla a en em avangin chiang takin kan building vel chu a lang thei vek a, Engmah ka hmu ve lo...A hnu chuan Aren pon chu a rawn chhuak ve a, engmah a hmu bik lova... Ti chuan room chhung lamah chuan kan inzui lut leh ta a...Roop-a chu thlan tui hian a lo bual khat vek tawh a..

           Eng chiah maw i hmuh? ti a kan zawh chuan ti hian a sawi ta a " Mang mak tak mai ka nei a, kan pathum hian games Karu-a room (Kan tribal senior,7th Semester ni tawh) ah kan lo khel a, chuan zung turin ka lo chhuak a, Karu a room opposite chiah room chu kawngka a lo in hawng vek a, tunge awm le tah hian ti in zun in lam pan ta lo chuan ka lut chhin a, ka lut chiah tih leh mi pakhat hian min pawh luh a inrual titih a, ka han en chiah chuan chu pa chu a dum vek hi ani a, a hmel poh ka hmu chiang thei lo, ka hrawkah hian min lo rek bet a, Auh che u ka tum a ka au chhuak tha thei si lo...a tawp a tawp ah ka theihpa tawpin ka trang vak a, ka rawn au chhuak thei chiah chu atakah poh ka rawn au chhuak nghal a..

            ka mutna atang chuan ka thu tung hlawl mai a, chutia kan thu chu tukverh ah (tukverh hmachhawn zong chiah a mu ani) chuan mi tunge maw dum vek vak chho zok ka hmu ta a, ka hlau lutuk a ka rawn au che u anih kha" ati ta a...A hlau lutuk chu a muhil tha ngam tawh lova..."Min men pui ve mai teh u khongaihin" ti a min ngen avang chuan zingkar lam a a muthilh ngam thleng chuan ka titi pui ta ringot mai ani....

           A tukah chuan Karu-a roomah kan phei nghal a, tunge i room opposite chiah ah hian awm a? kan ti a...chu room chu a lo ruak reng mai a...Hman ah hosteller 1 a lo inawhhlum tawh avangin Vai hovin an lo luah ngam lo hi a lo ni a...mak ve khop mai

           Sawi ta laklawh sawi zel ang aw sei deuh don mahse...Voikhat chu Aren-a chuan "Isaac, mumang lamah hian kan chhungte thi tawh kan hmuh chang te hian min lo tlawh anih i ring em? " tiin min zawt phawng mai a... Kei chuan "Ka hre nang, a theih tho mahna kan hriat bak ania " ka ti ve mai bok a...

           Aren-a thung chuan "Ring duh suh thianpa, keini hnam chuan kan ring lo...kan chhungte tak2 anni tawh lo, an hmel hawh a rawn inlar ramhuai anni tawh thin zawk" ati a.."Ngatinge chutiang kher rinna chu i neih a?" ti a ka zawh chuan ti hian min chhang ta a...." Voikhat chu ka nau hmeichhia hian mang a nei a, a mangah chuan ka Pi thi tawh hian a rawn tlawh a, nuam ti takin an lo infiamin an lo titi vel thin a, engemaw chen hnu ah chuan a haw san a, ti chuan a harh chhuak ta a...

          a tir ah chuan engah vak mah a ngai lo a, mang satliah ah a ngai a, engmah poh a sawichhuak lem lo a..Mahse mak tak mai chu a tuk zan ah chuan a pangai ang chiah chuan ka Pi chu a rawn kal leh a,an lo inkawm leh a..chuti chuan zan tin mai chu kar 1 chhung vel chu mang pangai (Recurring Dream) chu a hmu ta char2 mai a...a hlauh deuh tak avang chuan ka nu a hrilh ta a..ka nu chuan "Ehe!! Chu zawng i Pi ani lo tawp mai, thil dang anih chu...

          a rawn kal leh anih vaih chuan i lo hau ngei2 tawh dawn nia" ati ta a...ka nau chuan "Ka mang ania, engtinne hauh leh hauh loh tur ka hriat theih ang?" a tih chuan ka nu chuan " I mang mah ni se, i hre mai ang..i mut dawn in ka thil hrilh che kha hre reng la" ati ta a...Chu mi zan chuan a hma ang ngei chuan a Pi bok chu a rawn kal leh a..

          an inkawm vel hnu chuan ti hian a Pi chuan ati ta a "hei bawih-i, ka ngai thin lutuk che a mahse zantin hi nangmah hmu tur che in ka rawn kal reng thei dawn lo a....Chu vang chuan ka hnenah rawn kal zawk mai ta che...nang chu i fel sia pathian thu te i awih tha a, Vanramah i kal awm sia i thih hunah...kei lah hremhmunah ka awm tawh sia..kan inkawm thei tawh dawn lova..Chuvang chuan i duh anih chuan ka hnenah ka hruai thei ang che..lo kal ve mai la" tiin a sawm ta a...

          Ka nau chuan " Ngawi teh, engpoh ni se, kan inhmuh khat tawh dawn avangin in chibai phot teh ang ati ta a, a mangah chuan chu tia an in chibai tur chiah chu ka nau chuan ka pi chu a kutah a sik ta vak mai a" Ka Pi chuan "Nang nu te reuh hi..i va sual reuh e, min ngai ve emaw ka tia, ka ron kal tawh ngai miah lovang zanin bak ati ta a...chu mi hnu chuan a mang chhunzawm leh ta miah lo ani awm e

          Aren-a bokin min hrilh ani a, Class 12 Kohima a a zir laiin mang a neih ani a...Ama sawi angin han chhunzawm ila...Zan khat chu ka mut a chhuah hma deuh avangin ka mu hma a, ka mut hma in kawngkhar leh tukverh zawng zawng chu ka kalh tha vek a.. ka roommate erawh chu TV Hall ah inkhel a en thung a...Chu tia ka mu chu mumang nge mang lo tih poh thliarhran theih loh ang deuh reuh hi ka nei ta a...Ka mangah chuan tuna ka mut dan ang chiah2 chuan ka lo mu a, mahse ka che thei reng2 lo mai a..ka awmah hian enge maw rit deuh hian min delh bet hian ka hria a..A tir ah chuan min delh tu chu ka hmu chiang thei lok lova, a hnu deuh a ka hmuh fiah theih deuh a kan en chian nak chuan ka Roommate, ka thianpa ngei mai kha ka awm ah hian a lo thu vung mai a, ngun em em mai hian min lo en kur mai bok a

          "Thiana, tho teh..infiam hun pawh anih tawh loh hi..i rit teh ania tho vat rh" ti a ka hauh chuan ti hian min chhang ta a "I ROOMMATE KA NI TIH I CHIANG CHIAH MAW?" ati a a nui ta uarh uarh mai a...Ka hlau lutuk chu tih ngaihna ka hre lova, ka thlan a tla zoih2 a...A tak tak a an zia chu Bang a sana te poh ka hmu vek thei a (Light ka off thim lova)..

            Zan dar 12 chiah chiah ani a...Chutia min thrut beh tak reng ah chuan ka rilru in ka tawngtai ta ringot mai a " Lal Isua, min tranpui rh" ka ti ta ringot mai a...Mak em em chu ka rilru a ka ngaihtuah kha a hre tlat mai a, "Koh koh duh suh a tranpui chuang lovang che" min ti a...Chutia a tih veleh chuan theih patawpin ka au chhuak ta a...Lal Isuuuuu.....!!! ka ti vak a, chutia ka auh veleh chuan tukverh atang chuan rang lutuk in a thlawk chhuak ta daih a..

           chu velah a takah poh ka harh chhuak ta nghal a...Thlan in min lo bual hluam a, Ka roommate chu inkhel TV roomah a lo la en a..Ka mang mai2 chu a, ka ti a..mut leh mai ka rilruk a..mahse thil pakhat mak ve em2 mai chu ka kawngkhar leh ka tukverh zawng zawng lo inhawng vek (a hma in ka kalh vek sia) leh Sana in zan dar 12 chiah chiah a lo ri ve tlat kha ani...

Tulum By Isaac Zote

A hmasa in la hre lo te kan lo awm palh takin "Tulum" hi eng nge anih han sawifiah ve reng reng ila a tha in ka hria a..Tulum chu Mizo ten Ramhuai chi khat ni a hmanlai atang a kan rin, ramhnuai vel a awm thin, mi an thih chiah a an kawchhunga lut thin a an ngaih ani..

Tuna ka rawn sawi tur hi Pawl 7 kan zir lai a kan Sir min hrilh ani a, Home Missions School lut ve thin ka classmate te he mi group a in lo awm ve anih chuan in la hre mai thei ani..Sawi tawh angin kan Sir min hrilh anih avangin tak tak ani nge thawnthu tih chu ka hre chiang lem lova..Mahse kan Sir hian dawt phuahchawp mai mai erawh a sawi ka ring hran lo..Eng pawh lo ni se, tak tak emaw ni lo emaw, a ngaihnawmna, hlauhawmna leh a makna a tih nep phah ka ring hran lo .. Ama sawi angin chhunzawm ang...

             Khaw Pakhat (a khaw hming a sawi ka hre tawh lo) ah hian thian dun pahnih (a sawina a rei tawh deuh a, an hming poh ka hre chiang tawh lo) hi an awm a, ni khat chu ram riah dun an rel ta a...Ni leng a hna an thawh hnu chuan an hah viau mai a, khua a thim tawh bok nen a pakhat zok thlam ah chuan riah dun mai an rel ta a... Zana an han mu chu pakhat zok chuan "Ka zun a chhuak em mai..Kan va zung lok" ati a...A thianpa chuan ngaihthat lohna poh engmah nei lem lo chuan "Aw le" ti ve mai pahin a muhil ve leh mai bok a.

             Rei fe hnuah chuan a muhil zawk a chu a rawn harh chhuak hlawl mai a, a thianpa nichina zung tur a tho kha a la rawn let leh lo reng reng tih a hre ta a, mak a ti ta viau mai a.."Ngatinge maw a la rawn let leh lo le, Sapui te hi a tawk ta mai em mawni le?" tiin ngaihthat lohna deuh a nei ta a..A thianpa chu va zawn zai a rel ta a...

             Pawn a han chhuak chu thla a lo eng kher mai a, khaw chin chu zan mah ni se a lang chiang phian a... A thianpa chu khawnge a awm tiin a zawng phei zel a..hla vak lo a kal hnu chuan a thianpa chu ral leh lam hawi zawng (ama lam hnungchhawn zawngin) a lo thu hi a va hmu ta a, thla hi hawi sawn miah lo hian a lo en ngar ngar mai bok a..ral atang chuan "Thianpa, enge maw i tih reng le? i chau lutuk palh ang naktuk kan haw lehna tur te a hla tham si a, ron mu toh rawh.." a tih poh chuan engmah hre lo angin a awm a, a en pangai chu a la en reng tho a...

            Chutia engtin mah a a chhan tak lovah chuan a thianpa bulah chuan "Enge maw a tih reng reng le?" tiin a va kal hnai a..a va en chiang mai chu...A thianpa chuan Thla bial kulh mai en reng pah chuan a kut tin in a hmai vun a lo hik neuh neuh mai hi a lo nia...A hlau lutuk chu a zan a zan chuan an khaw lampangah a tlan haw ta nghal a, a tukah an khaw mi te an zu kal chu an thlam piah deuh a tlem a khuar lai deuh ah chuan thi in a lo mu zal reng hi a lo ni a..Kha tia zung tur a a chhuak kha a tlu sual palh a chawp leh chilh in a thi ta nghal mai a lo ni awm a, chuan a hnu a a thianpa zawkin a va hmuh poh kha a kawchhungah Tulum alo lut tawh ani awm e... A thianpa zawk a thil hmuh avanga hlau lutuk chu kar 1 chhung vel a khua a sik anti...

            Thian dun pahnih poh hi lo lam a Zawngtah lo turin an feh chhuak a, an lo hi a hla tham deuh avang leh an chhuah tlai avangin tlai lamah an thleng phei hman trok a...Pakhat zok chuan "Thianpa, thing ka thiam zok bok a, ti hian a hnuaiah lo chang la, ka ron theh thlak apiang kha lo rut khawm zel la, i lo thun khawm zel dawn nia" ati a..A thianpa zok chuan a remtih hnu ah chuan Zawngtah kung sang takah chuan a lawn ta zai zai mai a..

             Thing thiam tih takah thingkung han lawn vel poh chu a hnehsawh angreng viau a, reilo te chhung chuan a lo zo ti tih thuak chu ani mai a..A hnuai lama lo chang zok chuan "Thian-a, duh tawk tawh ang, hei kan thim lutuk dawn" a han ti a..Thingkung zok ami chuan "Ngawi teh, a uihawm ting tang, khi ta a hmawr deuh ami khi ka han lo leh hram ang e" ati a..Chutia a han lawn leh chu a zar a lo te deuh bok nen a dawl ta lova, a rap tliak ta hmawk mai a...A lawnna chu a san tham em avang chuan a ron tla thum dum mai a...A ring (nghong) ruh a tliak mai bakah a lu a sawh nat em avang chuan a lu atang te chuan thi a chhuak nasa a, a taksa poh chu thi in a bual khat hnuang mai bok a...Ka pawh chhawn lovin a thi ta nghal mai a...

            A thianpa tih ngaihna hre lo leh hrilh hai lutuk chu a chawmawlh hi ani deuh ber a...han buaipui tum eng ang mahse awmzia a nei tawh lo a..."Engpoh ni se, hetia awm reng ai chuan,ti hian sa velin an khawih loh nan hnah velin kan khuh tha deuh anga, a rang lamin zualko turin khaw lamah tlan haw mai teh ang" ti a ngaihtuah lai tak chuan, a thianpa chiang lutuk tak mai a thi tawh chu a rawn tho ta truam truam mai a...A thianpa la dam zok hlau lutuk chu chet poh che tha ngam tawh lovin a dinna ngaiah chuan a khur tlawk tlawk tawh a, a thi tih a hre chiang ropui si, ...

             Chutia engmah sawi lova a din reng lai chuan a thianpa thi in a bual khat vek tawh chuan thum bulh chiang tak si hian "Thianpa, tuna thing ler atanga ka tlak dan kha i lo hmu em? i hmuh loh chuan kan tla tha leh ang aw.." a ti a.. A tlan thut a, a tlakna thingah bok chuan a lawn chho leh ta truam truam mai a...A tlakna zar tak a han thlen chuan nichin lok a a tlak dan ang deuh chuan a ron tla tha leh ta a, a tlakna ngai bulah chuan a ron tla tha leh a...A thianpa zok chuan a hlau toh khop mai a...a aihkaih vek tawh a...Mahse....reilo te hnu chuan pangai te bok chuan a ron ding tho leh truam2 mai a,,"Thianpa, i lo hmu chiang em ka tlak dan kha? ka han lawn leh ang aw uluk takin lo en rh" a ti leh a,a thianpa zawk chuan "Aih, a trul tawh lo, ka hmu tawh alawm" atih pawh chuan thing lam bok chu a pan phei leh ta a...A pangai te bok chuan Zawngtah thingah chuan a lawn chho leh a...

             A thianpa chuan chutia a lawn chhoh lai tak chuan remchangah la in a tlan ta thut mai a, chawl lek lovin an khua thleng chu thaw hlop hlop chungin zanah a thleng ta ani..A tuk zinga an khaw tlangval ten an zawngtah lo na hmun an zuk thlen meuh chuan a thianpa in a tlakna atih ah chiah khan a lo mu reng ani awm e
 
He Site a thu awmte hi aneitu phalna la hmasa lo chuan hmundangah chhuah chhawn phal anilo
Other Sites : Zo-Wap | Zoland | Lei Hringnun
Copyright © 2011. Welcome | Chhawrpial - All Rights Reserved
Template Created by Ell Cee Renthlei
Proudly powered by Blogger