Wapka filelist code hi File Manager(FM) a kan file dah te user te hmuh theih
tura dahchhuahna code a ni a. File bakah hian file lenzawng, file dahluh ni, file
download tawh zat leh thil dang eng eng emaw tarlan theih a ni. Content Manager
rawn chhuah hnu hian unlimited a nih avangin kan hmang uar chho tan a. Zawi
zawi in FM hlutna pawh a tlahniam chho zel a. Wapka site enkawltute lamin FM
bansan a zawi zawi a CM tih changtlun chhoh an tum mek lai hian, tun dinhmun
ah File Uploader te hi CM hian a la support ve loh avangin FM kan la hman a ngai
a. Hun engemaw chen chu kan la hman chhoh a ngai dawn ni pawhin a lang.
Website siam tur tan chuan code hriatchian hi a pawimawh hle a, code hrelo chuan
engmah a siam theihloh avangin code kan hriat chian a, an hnathawh dan kan
hriatchian hle hi site siamtute chuan kan tum theuh tur a ni.
Wapka FM a kan file dah te tihlanna code dang kan dah nual tawh a. Khang
ho kha beginner te tana an duan a ni a. Filelist code hi a changkang in advanced
user te hman tur atana duan a ni. Filelist code ah chuan hetiang hi hman a ni.
:filelist:PARAMETERS::LINE_FORMAT::DELIMITER:/filelist:
Parameter ah hian heng a hnuaia code te hi hman theih a ni.
o - kan file dahchhuah te indawt dan tur. Heng a hnuai ami te hi hman theih a ni.
-n: - File hming indawt a tarlanna.
-s: - File size, a lian atanga indawt a tarlanna.
-d: - Download tam dan indawt a tarlanna.
-tl: - Download hnuhnun dan indawt a tarlanna.
-tu: - Upload thar, a thar ber tanga indawta tarlanna.
d - Directory select na tur a ni a. Directory ID a pawimawh. Vawikhat ah Directory
pakhat aia tam pawh dah theih a ni. User Gallery chhunga file tihlan dawn chuan
a ID ah g hman tur a ni. Heng ahnuai ami te hi hman theih a ni.
l - (limit parameter.) Vawikhat a file lang tur zat kan duh tihlanna a ni.
s - (site parameter.) Hei hi page pakhat a list pakhat aiatam kan dah duh in a
pawimawh a. Paging code tan a pawimawh hle bawk.
n - (No value parameter.) Hei hi kan directory a file engmah a la awmloh laia user
te hmuh theih tura hriattirna kan dah na thin a ni.
credit - User ten file an download veleh credit an neih tur zat siamna a ni.
ucredit - User ten file an upload a an credit dawn tur zat siamna a ni.
nc - User ten file an download in a value hi 1 a kan set chuan (nc=1), count of
downloads ah engmah a kal lovang. (Thlalak preview nan a tha hle)
tu - hei hi time of upload a ni a. User ten an upload hun chhinchhiahna a ni. Hemi
parameter hmang hian kan duh hun darkar huamchhung a file upload thar te
tarlan theih a ni. Entirnan, tu=5 ti a kan dah chuan, darkar 5 huamchhunga upload
thar te chauh a tarlang ang.
x - Hemi hmang hian file lang tur a kan duh bik te chauh tihlan theih a ni. Entirnan,
user kan duh bik tu emaw file upload chauh kha hemi hmang hian kan dahchhuak
thei a ni.
Khaile, tikhan code hmanna chu kan hrechiang tawk tawh in a rinawm a, fiahlo
zual kan la awm takin a example han siam leh lawk ila.
:filelist:o=s, d=1, n=no files available:: Hemi code hi en ta ila, a hmasa ber ah
O (ordered by) kan dah a. A value ah s kan dah ta a. A chunga code nen khian han
en ta ila.
O=s a nih chuan kan file dah kha a size len dan indawt in a lang dawn
tihna a ni. A dawt leh a d (directory) a awm leh a. A value ah 1 kan dah a. Chumi
awmzia chu FM a directory id 1 chhung ami ho kha a tarlang dawn tihna a ni. 1
khi directory
ID a ni a. Kan tarlan duh directory id kha 1 awmna ah hian dah zel
tur a ni. A dawt leh ah n kan dah leh a. A value ah no files available kan hmang a.
Kan directory chhungah file pakhat mah a la awmloh chuan, n value a kan hman
no files available tih khi a lang mai dawn a ni.
* Tun tum chu wapka site a top uploaders code hi kan share leh ange. Hei hian FM a uploader hmanga user te upload chauh a chhiar thei a, admin mode atanga FM a kan upload nghal te a chhiar tello tih erawh hre hmasa ila. Hetiang hian ti rawh le.
