LD Tonic Solfa v2.0 (Setup + PDF)

LD Tonic Solfa v2.0 hi version hmasa (v1.0) ai khan a changtlungin a kimchang zawk a; keyboard atanga a hmeh chhuah danah pawh awmze nei zawka rem khawm a ni. A hman dan thu-ah chuan version hmasa nen a inang lo hle a; solfa key hniam ber atanga sang ber kan mamawh tawk tur ang chu dah kim vek a ni.

Mizote’n solfa chhut-na tur font lo nei nual tawh mah ila; duh anga tha leh changtlung ban phak mai-a lak tur a awm meuh loh avang leh thiante’n siam tura min beisei avangin ka han siam a. A tirah chuan rei lote-a zo mai tura ka inbeisei laiin, solfa alphabet leh symbol 100 dawn lai awmze neia han rem khawm chu a lo namai lo a; an awmhmun te vawi tam tak sawn kual a nih hnuah tuna an awmhmun hi awmze neia hmehchhuah theih turin a lo chhuak thei ta a ni.

He solfa font hi Microsoft Word, Excel, PowerPoint-te bakah Adobe Photoshop, PageMaker leh Indesign-ah te enchhin tawh a ni a, a hman theih vek a ni.

Install dan:

He solfa font hi setup file anga siam a ni a, RAR file hi i extract zawh hnuah 'LD Tonic Solfa v2.0.exe' tih kha double click-in emaw, right click-a Open (or) Run as administrator tiha install mai theih a ni. Mamawh loh hunah pawh Control Pannel atnagin uninstall leh theih a ni bawk.

Note: Solfa font hi install tawh chuan Word, Excel, PageMaker etc.-a hman duh hunah a font kha thlan mai tur a ni. Hetah hian kan application hman a zirin a font va thlan turah 'LD Tonic Solfa' tiin emaw, a hming zawnga lang loin a solfa zawng pawhin a lang mai thei a; kan hrethiam mai dawn nia.

Tin, a hman dan PDF file-a awm khan a chhiar theihna'n PDF Reader i install hmasa dawn nia.PDF Reader i neih loh chuan hetah hian i download thei ang.

System     : All Windows
Size          : 514 KB

Download: LD Tonic Solfa v2.0 (Setup + PDF)
Download: Adobe Reader 11.0.07