He ka thil ron sawi tur hi Ka Pi (ka pute-a nupui) in a hmuh
ngei nia a min hrilh ani a..A thil hmuh hi a thlahrang tak2 ani nge a
mitvai mai2 tih erawh chu ka hre lo nain phuahchawp emaw dawt thu mai2
emaw zawng anih ka ring lovin hmuh chu a neih ngei hi ka ring tlat
ani... Ka Pute-a te hi Aizawl veng 1 a cheng anni a ( an veng hming te chu sawi lang lem lo ta ilangin)..Ni khat chu an vengah Drugs addict (Pa ani tawh a,nupui fanau te poh a nei duah toh) hi a boral a..A thih zan a tlaivar zan a a thil tawn ani..1st person angin lo chhunzawm mai ilangin-
He mithi hi a thih dan pawh hi a mak ve ang reng hle mai a..Tuirial ah a fate Xmas thawmhnaw man tur tuak pahin Tuirial ah a kal a, a mut laiin Sakhi in lei min chhuah khum ati a..Tichuan in a rawn thleng chu a khua a sik ta nghal char char a, reilote ah damdawiinah a thi ta ani..He thu hi a thih ni a,a U in chhungkaw aiawh a thusawi na a a sawi ani nghe nghe..
Mitthi dar chu a rikna rei deuh hlek toh mahse chaw te ka la ei fel te te a..Tichuan,kan in bula dawr te ah zan men rei deuh pawh a min daih tur tawk Kuhva hring ka lei phei a..Khawhar in ka va thlen chuan mi kal chu an thahnem thawkhat tawh hle a..Tichuan a tir chuan Khuangpu bul lam deuh ah chuan ka thru phawt a,ka kuhva lei te chu phawrhin ka ei bawk a..
Chutia ka kuhva ka ei chu ruih deuh tak avangin chil chhak ka duh rilru deuh a..mahse han chhakna remchang a awm mai si loh avang chuan an tukverh inhawng ah chuan chhak mai ila a tha ang ka ti rilru deuh a,mahse ka thutna han insawn nghal mai chu a mawi lo deuh ka ti a..Kuhva hi ka heh ve hrim2 avangin 1 ei tawh laklawh hi chuan a dang hi ka hmawm nghal mawlh2 mai zel a..
Chutia ka heh em avang chuan tukverh bul law law ah chuan thru mai ila chil chhakna poh a rem zawk ang chu tiin tukverh bula thru patling pakhat hnenah chuan,"Ka Pu,hei ka kuhva ei ka rui si a,khawngaihin i thrutna ah khan reilote tal ka lo thru mai don mon le" ka ti a..Chuti chuan tukverh ah chuan ka chil ka chhak chhuak thin a..
An in chu L-shaped deuh reuh anih avangin kan thrutna (sitting room) leh an bedroom lampang chu perpendicular a awm annih avangin a bang chu a hmuh theih a..Chutia tukverh a ka chil kan chhak zo khuangpu lampang kan hawi leh chu ka mit sir in ka dah chhuah lai khan bang leh lampangah khan eng emaw tak hmu tlatin ka inhria a..Hreh tak chungin en chiang chak deuh reuh bok si chuan kan dak chhuak tha leh ta a..Chu ta ka thil hmuh chuan ka tiril ah min man kher mai..
Bangah chuan thil eng emaw mihring ruang am awm tak nei leh mihring tiat vel awm,dum vek a inthuam chuan min lo en kiau mai a..Chutia min en reng chung chuan ka lamah chuan Laiking vak ang hian min ron en kur chung chuan a rawn vak phei ta hnur hnur mai a..Ka thil hmuh chu ka hlau lutuk chuan ka hma lamah chuan ka tlan chhuak ta vak mai a..
ka hma lam a YMA thutthleng 5 vel inrem chu ka zuan kahlen phei vek a..tun hnu hian zuan kan leh rawh min ti se chuan ka zuankahlen leh theih kher poh ka ring toh lo..Mi te chuan,"Pathian thu awih inti ve si in thlahrang ka hmu te ati a" tih te pohin min dem tih chu ka hre tho na in ka thil hmuh kha tak2 ngei ani..
He mi trum hian thla hi a hrang nasa hle ani awm a..A tir chuan ka Pi pawh hi dem deuh mahse a hnu chuan mi dang2 pohin sawi tur an nei ve zauh2 ta a..Zana tlangval riak te poh ti muhil hleithei lovin a nupui ngei hnenah poh a dum vek a inthuamin an riah dunna thin khum te poh a lo sawi sak ani awm a..An veng te pohin an mangan em avangin Buara te an mut vak2 a (hetia tih hian a zia ve deuh thin a an rin vang ani),ni khua te a lo rei hnu chuan zawi2 in a lo reh ve ta ani awm e..
Ka pi phei chuan a hlauh lutuk avangin zanah phei chuan rei fe chu mahni pon an ek in ah a kal tha ngam toh lova..Ka pute-a'n a thlah loh chuan Bucket ah te emaw Polythene ah te emaw a inthiar mai thin ani awm e..Hetiang hian thla 1 vel chu a awm thu min hrilh ani...
0 comments:
Post a Comment