Infiam ang hmiang

"Mali . . . Mali . . . Mali . . Lo kal rawh ,in fiam ang"Mali mu lai chu a harh kawk a,a thil tawn tur chu a hriat lawk sa avangin a beng chu a kutin hup vat a. A vawikhatna a ni tawh lo,vawi tam tak aw hian a zan mu lai hi a kaiharh tawh a .

Hmeichhe naupang ama rual vel tur aw a ni a,a hmel a hmu ngai lo a,infiam puiah a rawn sawm thin a ni.
Mali chuan bangah sana intar chu a en vat a,aw a hriat thin avang hian light on chungin a mu thin a,dar thum leh chanve a ri tih a hre mai a. "ka muhil leh thei tawh dawn lo a nih hi,naktuk sikulah ka muthlu leh ngei ang"Mali chuan a ti sap a. A lukham hnuaiah chuan a lu a rawlh a. A sam a thlanin a ti huh nuai chu a mit bulah chuan a lo tla phung a. A thianpa Dika'n a lo hrilh tawh thin angin, "Zana kan mutthilh theih loh chuan kan melh ngai hi melh char char i la,kan muhil vat thin" tih kha a hrechhuak a. A kutzung trang chu a dah chhuak a,a melh ta char char a,a muhil trep tihah chuan, "Mali. . . Mali. . . Mali . . Lo kal rawh, infiam ang ".
Mali chu a khum atang chuan a zuan tho vat a. A nu leh pate mutna lam panchuan a tlan a. "Mali,min tlansan suh,lo kir leh rawh. Ka khua a har,infiam pui tur a duh"aw chuan a lo ti leh a.
 
Mali chu a nu leh pate roomah chuan alut a,a nu leh pate in karah mut kuk atum kha a ni a,mahse a nu leh pate reng a hmu lo. Khumah chuan thisen akai luai a,blanket te chu chhuatah a tlanuai a. Mali chu a mangang khawp mai. "Ka nu,khawnge i awm? Ka pa nangpawh khawnge i awm?"Mali chuan a awrawl tawp tawp in a ti a. A reh hmak si. An in chu a reh in a reh tlawk tlawk a. Banga san check ri bak hriat tur a awm lo.
Mali chu inhnuai lam panin a tlan thla vat a. A lo thim mup si. Thim hrim hrimhi a hlau a,mahse a hlauh leh hlauh loh a sawi theih tawh lo. Light on na a pan vat a,a han on chu leee . An celing fan ah chuan a nu leh pa chu an nghawngah ve ve a lo in khai a,an taksa atang chuan thisen a far tluk tluk a. A nu leh pa te chu an meng kur a,thi tawh mahse an hmelah chuan hlauhna a hmu tel tlat . Mali chu a ding khur zawih zawih a. A thil hmuh chu a rap ngang mai. A awrawl tawp chuan a au vak a. Mahse,a hnung lam atangin a ka chu kutin a rawn hup ta thut mai. "Mali,infiampui ­ ­ ­ che ka duh mai a ni"aw chuan a rawn ti leh a. Hmeichhe aw a hriat thin bawk kha a ni.
 
Khawiah pawh awm se,he aw hi chu a hre hrang thei tlat. Mali chu tal chhuah tumi a tal vak vak a,awmzia a awm si lo. "Mali,tal tal suh,reilo te infiam pui che ka duh mai a ni"aw chuan a lo ti leh a,a manna chu a thlah a.
A thlah veleh chuan Mali chu a theihtawka chak in a room lamah a tlan chho a,a thawmhnaw khaina ah chuan a lut a,a chhungah chuan a in kalh khum a,a beng a hup a,a tap hawm hawm a,a khur zawih zawih bawk a,mangang tak a ni. "Mali,infiam pui mai che ka duh a ni" Mali chu a tre vak a,kawngka chu a rawn inhawng a,a hmaah chuan hmeichhe pakhat a rawn ding a. Chema keng a,a sam chu a tla hnuang a,a hmai a khuh vek avang chuan Mali chuan a hmel a hmu thei lo a. "Khawngaih takin min that lul suh"Mali chuan a lo ti a.
Hmeichhia chuan a pan hnai a,tunah chuan Mali hmai leh chunu hmai chu inhma tawn chiah chiah in a awm tawh a. "Infiam pui che ka duh mai a ni" tih pah chuan a chem keng chuan Mali chu a vit ta hrawk mai a. Malin a hmuh hnuhnung ber chu chhuatah a thisen luang zawih zawih chu a ni a,a bak engmah a hre tawh lo.
A va pawi tehlul em ! Tha te te khan loin fiampui mai se ni tur. Mali chu a harh hlawl a,thil rimchhia leh thang nghur a hre nghal a. A pum rawn thip zawk zawk a hre bawk a. Thil hnang thluak maiah hian a mu tih a in hre leh bawk a,a han dap kual vel a,a ma thisen a ni tih a hriat chuan a uak ta tuar tuar a. Mali chuan mak a ti ngei mai. Hmeichhe pakhat khan chem khan a vit kha a ni si a. A vihna na a tih avanganikhaw hre lo a,awm kha a ni sia. Engtin nge a dam theih.?
 
A pum chu a han khawih vat a,chema vihna hnu chu a lo awm reng a,a pum a dawmna a kut a han en chuan thisenhlirin a khat bawk si,a va hrethiam lo tehreng em! Harsa ti tak chungin a tho kang a. A thawmhnaw khaina a bihrukna atang chuan a chhuak a. Chhuat a rah zawng te chuan a ri tuar tuar a.
"Khawnge kha hmeichhia kha a awm tak? Enge kan chhungkaw chungah duh a neih a ti tak mai a kan chhungkua min sawisak tak mai? Ka ladam tih hi a hria a ngem le? A in zawt mawlh mawlh a,a dula chema an vihna chu na a tih avangin a thren leh chawk chawk thin a. Mahse,rei nghah a ngai lo. A zawhna zawng zawng chhanna a hmu ta tlat mai. "Mali,i bulah ka la awm reng a nia,infiam chu i duh tawh em? Ka nghak reng che a nia aw?"aw bawk chuan a lo ti leh a. Mali chu a theih anga chakin a tlan a,an sitting rooma phone awmna lam chu a pan ta vat a. Amah tanpui thei tura a rin mipakhat chauh a awm,a number a dial nghal vat a.