Facebook Siamtute lam atangin thil kalphung an thlak ve zeuh zeuh thin a, PC aṭang online ṭhinte chuan an tih danglam kan hriatte pawh a awm nual ang. Hei hian Mobile aṭanga online ṭhinte a nghawng deuh niin a lang.
Heti ang harsatna tawk kan tam avangin zawhna ngai, chhanna ngai a tam khawp mai a. Ṭhenkhat tan phei chuan ninawmah a kal lek lek thei a ni. Chuvangin, heti ang harsatna kan tawha mahnia kan lo inhmakhua dan tur tlem ka han sawi ang e.
(1) Facebook i khawih/luh ṭhinna Mobile chu midangin an hmang/lut ve thin a nih chuan Loguot ṭhin ang che.
(2) Facebook-a i luh khat deuhin emaw, midang account aṭanga in luh changin "Get facebook Moblie and browse faster additional data charge may apply" tih a lo lan chuan a hnuaiah "Install" leh "Cancel" tih a awm thin a, kha browser kha i hman duh loh chuan i cancel mai dawn nia.
(3) I Login thei a, Comment-na box a lang mai lo a nih chuan a lang thei chin piah lam, dinglam tawp berah pawh a awm thei a, Scroll/kuai phei la, enchiang hmasa ṭhin ang che.
(4) Photo Upload dan chu Post box hnuai chiahah 'Photo' tih a awm ang a, i click ang. Chuan 'Choose File' tih leh 'Photo Caption' tih a lo lang ang a, Choose File aṭang khan i Phone/Memory Card chhunga mi photo i zu select/ lachhuak ang. "Photo Caption" ah khan i photo post tur nena inkaihhnawih sawi duh i neih chuan i ziak ang.
(5) Gruop-a comment-na awm lo a awm theih dan chu, i awm thinna group pawh ni se, tihpalh thilthuah pawh an lo remove palh thei a, enchiang hmasa ang che. Group i search a, chu Group-ah chuan i va lut ta a. Thil post-na leh Comment-na tur a awm loh chuan i la joint loh vang tihna a ni ang.
(6) I account chu password dik lo a, i try ngun lutuk chuan a dikin luh leh tum mah la, theih loh hun a awm ang. Chuti ang bawkin Phone security code pawh. Chuti ang i tawk palh a nih chuan Swich Off la, Sim Card leh Battery phawi la rei tak nghak ang che.
(7) I browser kha a khat tawkin update ṭhin la, I Sim/Phone mil tur browser thlang thiam ang che.
Khaikhawmna:
A chunga kan sawi takte aṭanga i harsatna a pui thei lo che a nih chuan Browser dang UC Browser, Opera Browser, Nokia Browser, QQ Browser etc. hmang chhin ang che. Chuti chung pawha a la theih loh cheu chuan i phone kha Restore mai pawh a ngai nag. I restore dawn chuan Message leh Note, Templete-a i save pawimawhho kha la chhuak hmasa rawh. 'Restore Setting'-ah chuan setting chauh a tih danglam dawn avangin personal data kha lakchhuah kher a ngai lo a, 'Restore All' ah chuan engkim a tih danglam dawn avangin Personal data kha la chhuak aang che.
A nihloh pawhin Phone softwere update phawh a ṭhatna chin a awm tho mai. I update duh a nih chuan server chak hun lai i chang deuh dawn nia. Tin, update fuh loh palh hian thil a buai theih avangin fimkhur hle ang che.
0 comments:
Post a Comment